E vështirë për të respektuar vendimet që keni marrë për “ushqimin”, sidomos në vendin e punës? Për të ngrënë shëndetshëm në punë, ja disa këshilla.

Larg distributorëve me monedha që shesin ëmbëlsira të paketuara apo pije me gaz, pako me biskota apo drekë të paketuar (tepër) të shpejta dhe jo të ekuilibruara nga pikëpamja e përbërësve: grackat ushqimore janë nga më të shumtat në vendet e punës. Për t’i shmangur dhe për të respektuar vendimet që keni marrë, ja disa nga këshillat tona për të ngrënë “shëndetshëm” në zyrë.

 Merrni ushqimin me vete nga shtëpia

Këshilla e parë: përgatiteni vaktin dhe zemrën në shtëpi, dhe merrini me vete në punë. Pra nuk do të keni mundësi të hani cfarëdo lloj ushqimi. Mjafton të mendoni paraprakisht për një menu javore dhe t’i përgatisni vetë në shtëpi vaktet në fundjavë ose mjafton të fusni në një tas ushqimin që tepron nga vakti i darkës, dh eta merrni me vete te nesermen ne punë. Mendoni gjithashtu të parashikoni bajamet e pjekura për momentet kur do të keni uri dhe doni të fusni diçka në gojë, aty nga mesi i pasdites.

 Gjeni një shok/shoqe diete

Të rezistosh i/e vetëm/vetme kur të gjithë rreth teje shkëmbejnë ëmbëlsira, çokollata apo të tjera ushqime, është tepër e vështirë. Atëhere këqyrini kolegët e zyrës me qëllim që të gjeni një partner/e “diete” për tju mbështetur në rast rënieje të motivimit.

Shmangni tundimin

Nëse për Oscar Wilde, mjeti më I mirë për t’i rezistuar tundimit është dorëzimi përpara tij, ne priremi më tepër për një teknikë shmangieje. E sigurt, po… rrezikoni tju marrin për njeri jo të shoqërueshëm sepse i shmangni drekat e darkat e ditëlindjeve të kolegëve tuaj, por fundja e bëni për një kauzë të mirë.

Mbani ujë në dispozicion

Sado e çuditshme t’ju duket, etja “jep uri”. Në shumë raste, mjaft të pish ujë apo çaj për të gënjyer trupin dhe e eleminon këtë ndjesi të barkut bosh.

Mbani një rezervë të fshehtë

Këshilla e pestë dhe e fundit (dhe padyshim më e shijshmja): mbani një rezervë të fshehtë me snacks “të shënteshëm” për mbasditet e vështira. Fruta të thata, ushqime të përgatitura me pak kalori… gjithçka për të shmangur përtypjet e “tepërta”!

8 ide (… zemër) për të përtypur në zyrë pa u ndjerë shumë fajtor/e