SHBA- Administrata amerikane po planifikon të revokojë statusin e përkohshëm ligjor të rreth 240,000 ukrainasve që janë larguar nga konflikti me Rusinë.

Kështu raporton Reuters, duke cituar një zyrtar të lartë të Trump dhe tre burime të njohura me këtë çështje.

Një vendim për këtë qëllim mund të çojë potencialisht në dëbimin e tyre. Lëvizja, që pritet muajin e ardhshëm, do të ishte një ndryshim i madh kursi nga mirëpritja që ukrainasit kanë marrë nën administratën Biden, thotë agjencia e lajmeve.

Shfuqizimi i planifikuar i mbrojtjeve për ukrainasit është pjesë e një përpjekjeje më të gjerë të administratës Trump për t’i hequr statusin ligjor më shumë se 1.8 milionë migrantëve të autorizuar për të hyrë në Shtetet e Bashkuara sipas programeve të përkohshme humanitare të lirimit me kusht të nisura nën administratën e Bidenit, thanë burimet.

Prandaj, ky dëbim i mundshëm nuk do të lidhej me përplasjen e javës së kaluar në Zyrën Ovale midis Presidentit Donald Trump dhe homologut të tij ukrainas Volodymyr Zelensky/