Strategjia e Bashkimit Europian, që pritet të publikohet nesër, i referohet në shumë raste Kosovës dhe Serbisë. Aty kërkohet ‘normalizimi i raporteve ndërmjet dy vendeve’ në mënyrë që ato të ecin në rrugën drejt integrimit në BE. Sido që të jetë, BE Serbisë ia kërkon një marrëveshje juridikisht obligative, që nënkupton se Serbia si anëtare e Unionit nuk do ta bllokonte anëtarësimin eventual të Kosovës, por jo edhe njohjen e pavarësisë.

Në dokument theksohet se pa një normalizim efektiv dhe gjithëpërfshirës ndërmjet Beogradit dhe Prishtinës nëpërmjet dialogut të lehtësuar nga BE nuk mund të ketë stabilitet afatgjatë në rajon.

“Një marrëveshje gjithëpërfshirëse juridikisht obligative ëshë urgjente dhe kruciale në mënyrë që Serbia dhe Kosova të mund të avancojnë në rrugët respektive europiane” thuhet në dokument.

“Kosova do të përfitojë në mënyrë të konsiderueshme nga një marrëveshje përfundimtare me Serbinë” theksohet në dokument.

Bashkimi Europian në këtë strategji thekson se do t’i zgjerojë edhe më tej iniciativat e pajtimit. “ Do të ketë vazhdim të mbështetjes ndaj Mekanizmave Ndërkombëtar të Tribunaleve kriminale dhe për Dhomat e Specializuara të Kosovës” thuhet në strategji.

Ndërkohë që në dokument mbetet e komplikuar rruga e integrimit të Kosovës duke thënë ajo ka mundësi për një përparim të qëndrueshëm nëpërmjet implementimit të MSA’së duke ecur në rrugën e integrimeve sapo këtë ta mundësojnë rrethanat objektive.

Veritas.com.al/