Nga Veritas.com.al/

Të gjithë amerikanët prisnin për gjithë natën. Gjithë bota priste, dikush në natë e dikush në ditë- sipas orës. Eruropa priste zgjuar.

Ekranet televizive lyenin me ngjyrë të kuqe shtetet e Shteteve të Bashkuara, më në fund edhe Floridën. Më në fund edhe shtetet “e vështira” që i jepnin kandidatit çelësat e Shtëpisë së Bardhë.

Erdhi një moment, afër mëngjesit tonë, kur u duken portretet e demokratëve të afërm me rivalen Clinton; tani ne jemi mësuar të lexojmë fytyra të të humburve në zgjedhje, edhe kur këta këndojnë.

Pastaj u shfaqen gazetarët e CNN që kishin bërë servilin ndaj sekretares së Shtetit, dhe tani thjesht po mbanin veten. Nganjëherë fshihnin edhe hartën që po lyhej me të kuqe. Pastaj e tëepëruan në favor të Trumpit…

Më në fund shikojmë në ekrane se Trump e kaloi shifrën “70 zgjedhës të mëdhenj”- sipas stilit amerikan, që do të thotë se ke siguruar fitoren. Pastaj u bë shifra 288; Clinton vetëm 215.

Atëherë pritej dalja e vetë Donald Trump.

“Sapo mora një telefonatë nga sekretarja e shtetit, Clinton- tha Trump. Ajo më uroi për fitoren”.

Donald Trump- President i Shteteve të Bashkuara. “Nuk ka ëndërr të madhe!- tha- por ka punë të bërë çdo ëndërr realitet!”. Kjo ishte jeta “elektorale” e presidentit Trump. “Por nuk ka më fushatë- tha- ka punë që ta bëjmë Amerikën  të madhe, dhe jo vetëm “më të mirën””.

Fitoi Trump, fitoi Amerika. Fitoi ndryshimi në Botë! Donald Trump- presidenti i 45 i Shteteve të Bashkuara.

/Veritas.com.al/