Dje në mbrëmje,  një erë e fortë  përfshiu jo vetëm gjirin e Durrësit, por gjithë territorin e vendit. Sot një ditë të re, duken qartë dëmet e shkaktuar nga era e djeshme në bregdet.   Në qytetin bregdetar një nga pjesët më të dëmtuara është zona fundore e shëtitores “Taulantia”.

“DurrësLajm” ka publikuar një video ku duken qartë  pasojat e shkatërrimit që sollën dallgët e fuqishme në një nga zonat më të frekuentuara nga qytetarët.

Copa drurësh e dërrasash nga ndërtesat si dhe leshteriku i bregdetit janë shpërndarë nëpër shëtitore në afërsi të Sfinksit. Dallgët kanë shkulur nga vendi dhe kanë shpërndarë në shëtitore dërrasat duke shkatërruar një pjesë të shëtitores.

Veritas.com.al/