Edhe pse gishti i është drejtuar si ‘i dyshuar’ në vrasjen e liderit serb në Kosovë, Ivanoviq, policia i quan spekulime thëniet se ’pritet të arrestohet’.

Policia e Kosovës ka deklaruar për raportimet se personi i dyshuar për përfshirjen e vrasjen e Oliver Ivanoviqit është Millan Radojçiq

Zëvendëskomandanti i PK-së për rajonin Veri, Besim Hoti, ka thënë se Policia do të veprojë konform autorizimeve të Prokurorisë së Shtetit.

“Askush s’ka thënë që pritet të arrestohet (Milan Radojçiq). Në asnjë element nuk presim të ndërhyjmë në punën e prokurorëve. Hetuesit policorë punojnë nën autorizimin dhe çdo veprim vjen nga autorizimet e prokurorëve”, ka thënë ai për ‘Indeksonline’.

Hoti theksoi se organet e sigurisë në asnjë aspekt s’guxojnë të spekulojnë dhe paragjykojnë për raportimet e tilla.

Bashkëshortja e Oliver Ivanoviqit, Milena Popoviq Ivanoviq, deklaroi para disa ditësh se “Dihet kush e ka bërë vrasjen, por ata që e kanë bërë këtë duhet ta dinë se kjo nuk do të kryhet aq lehtë”.

Vlen të theksohet se mbi Ivanoviqin atentatorët shtinë nga rruga, e pastaj ikën me veturën e tipit “Opel Astra”, të cilën e kanë djegur.

Cili është Milan Radojçiqit, ‘vrasësi’ i Ivanoviq?

Vrasja e Oliver Ivanoviqit mund të jetë kryer nga grupi i Milan Radojçiqit, i cili ka raporte të mira me strukturat udhëheqëse të Serbisë

Kështu thonë burimet e Arbresh.info në lidhje me hetimet rreth vrasjes së liderit të iniciativës qytetare “Liri, Drejtësi, Demokraci”.

Sipas burimeve, vrasësi i Ivanoviqit kishte qëlluar disa herë mbi të ndërkohë që makina e tij “Opel” me të cilën ishte larguar dhe e cila ishte gjetur e djegur më pas, ishte parë e parkuar disa herë aty ku parkoheshin edhe veturat e Millan Radojçiqit dhe të grupit të tij.

Burimet thonë se dy ditë para vrasjes së Ivanoviqit, dy persona, identiteti i të cilëve nuk dihet, ishin në zyrën e Milanit.

Edhe bashkëshortja e Oliver Ivanoviqit kishte deklaruar se personi që vrau Oliverin mori urdhër nga Milan Radojçiq dhe grupi i tij.

Po ashtu, thuhet se më 27 korrik të vitit 2017, kur kandidatura e Oliver Ivanoviq për kryetar të Mitrovicës Veriore ishte bërë zyrtare, Milan Radojçiq kishte deklaruar se ai do t’i fillojë kërcënimet karshi tij dhe se nëse nuk heq dorë, do ta vrasë atë.

Kjo pasi, Ivanoviq ishte i padëshiruar nga shteti serb pasi thuhej se nuk po bënte asgjë për të mirë të serbëve të Kosovës.

Ndërkaq, më 28 shtator të vitit 2017, automjetit privat të Ivanoviqit i ishte vënë zjarri si kërcënim direkt ndaj tij dhe kandidaturës së tij për kryetar të komunës së Mitrovicës Veriore, shkruan Arbresh.info.

Burimet, po ashtu, thonë se po më 28 shtator të vitit 2017, Oliver Ivanoviq kishte deklaruar se ‘situata kishte ndryshuar për të keq. Frika e njerëzve është e paparashikueshme. Këta njerëz nuk kanë frikë nga shqiptarët por nga serbët, të cilët vozisin automjete Jeep-a pa targa”.

Ivanoviq kishte paralajmëruar ndër të tjera edhe mundësinë e eskalimit të situatës në Mitrovicën e Veriut.

Ministri për Kosovën në Qeverinë Serbe, Marko Gjuriq, kishte akuzuar Oliver Ivanoviqin gjatë fushatës zgjedhore për zgjedhjet lokale në Kosovës, duke thënë se ai ka bashkëpunim me autoritetet mbrojtëse të Kosovës.

Oliver Ivanoviq është vrarë më 16 janar të këtij viti rreth orës 8:00, teksa po hynte në selinë e partisë së tij.

Vrasja e tij ka shkaktuar reagime të shumta në Kosovë dhe jashtë saj.

 

Ai është varrosur në Beograd më 18 janar në kompleksin e varrezave.

 

 

Lexo më shumë në: http://ëëë.gazetaexpress.com/lajme/ky-eshte-i-dyshuari-kryesor-per-vrasjen-e-oliver-ivanoviq-pritet-arrestimi-i-tij-490262/?utm_source=referral&utm_medium=ëeb&utm_campaign=copyright

Veritas.com.al/