Kreu i ekstremit te djathte flaming, Gerolf Annemans, mbron Salvinin në luftën midis qeverisë italiane dhe Komisionit BE: “Italia po nis debatin në Evropë”. Dhe për euron: “Duhet të rishikohet”

Nga: Alessandra Benignetti /

Euro? Nuk është një dogmë, përkundrazi “Ishte një gabim”, thotë ne një intervistë me Huffington Post, Gerolf Annemans, president i partisë se djathte ekstremiste flaminge Vlaams Belang që mbështet Italinë në konfrontimin me Komisionin Evropian mbi manovrën ekonomike.

Monedha e vetme, “e falsifikuar mbi modelin gjerman”, “duhet të rishikohet”, thotë lideri indipendentist flaming. Dhe në këtë sens Italia,jam i bindur, “po nis debatin”. Annemans shpreson që Roma të marrë më te mirën mbi kolegjin e komisarëve evropianë që u mblodh sot në Strasburg dhe se ka shumë të ngjarë të refuzojë ligjin e buxhetit të paraqitur nga qeveria verdhë-jeshile.

Fronti sovranist evropian, ai qe mblidhet nën mesimet e grupit  Evropa e Kombeve dhe Lirisë,ne te cilin përfshihet gjithashtu edhe Rassemblement Nationale e Marine Le Pen, është kompakt dhe ben kornizen rreth aleatit italian Matteo Salvini.Gjithashtu,parabola ne ngjitje e udhëheqësit të Lega-s konsiderohet, në Francë, si në Belgjikë, një volant për sfidën e ardhshme të sovranistëve, atë të zgjedhjeve evropiane të majit 2019. Qëllimi është që të marrin Strasburgun dhe Brukselin dhe t’i transformojnë ato në pararoje te ndryshimit evropian .

Nëse sot, në fakt, komenton udhëheqësi i Vlaams Belang, është e komplikuar të largohesh nga Bashkimi Evropian, siç dëshmohet nga rasti i Britanisë së Madhe dhe është e pamundur të largohesh nga euro, atëherë do të jetë e nevojshme të ndryshohen institucionet evropiane nga brenda. Në programet e populistëve evropianë, është pra, ajo e “ridizenjimit te Eurozonës”, me futjen e “fleksibilitetit më të madh” për të dale nga kriza që prek Shtetet e Bashkimit. “Parashikimi i një politike te vetme ekonomike dhe sociale për të gjithë është një çmenduri”, thotë eurodeputeti belg në mënyrë të hapur.

Alternativa e propozuar nga politikani flamingo është ajo e një sistemi të bazuar në specifikat e zonave gjeografike individuale. Një model gjerman për veriun, një model alternativ dhe më fleksibël për jugun. Është sfida sovraniste për Evropën e re që duhet të përvijohet pas takimit me zgjedhësit ne pranverën e ardhshme.

Veritas.com.al/