Presidenti i ri i Francës, Emmanuel Macron, zyrtarisht është President i Francës që sot. Ceremonia e inaugurimit u zhvillua në pallatin presidencial Elysee.

Paraardhësi i tij, Francois Hollande, e mirëpriti në oborr në prani të qindra gazetarëve. Të dy u takuan në zyrë para largimit të Hollande, ku kaluan disa minuta duke diskutuar çështjet më të ndjeshme, përfshirë edhe kodin bërthamor të vendit.

Macron merr përgjegjësinë e një kombi që, kur Britania largohet nga Bashkimi Europian, ky mbetet i vetmi vend me aarmë bërthamore dhe anëtar i përhershëm i Këshillit të Sigirimit në OKB.

Macron mbajti një fjalim në Elysee në prani të 300 të të ftuarve, zyrtarë dhe anëtarë të familjeve të tyre, duke përfshirë edhe gruan e tij 64 vjeçare Brigitte Macron. Ajo ishte e veshur në një blu të lehtë nga francezi Nicolas Ghesquiere i Louis Vuitton.

Macron ishte veshur me kostum të errët nga francezi ‘Jonas and Cie’, nj rrobaqepës në Paris që kushton vetëm 450 euro.

Sapo mbaroi ceremonia, Macron nisi të mendojë për vizitën e të Hënës në mëngjes në Berlin, me kancelaren Merkel.

Ditët që vijnë do të jetë i angazhuar me emërimin e kryeministrit dhe të qeverisë.

/Veritas.com.al/