Edhe 8 mijë vota nga diaspora shqiptare në Greqi kanë mbërritur të shtunën në Parkun Olimpik në Tiranë.

Në total, janë 45 mijë fletë votimi të ardhura nga emigrantët shqiptarë në Greqi. Ndërkaq, numri i më i madh i votave vjen nga Italia, me 71 mijë të tilla.

“Kanë mbërritur 8 mijë zarfe nga e gjithë diaspora, duke e çuar në 181 mijë votat e mbërritura në Parkun Olimpik. Sa i përket Greqisë, kanë mbërritur 45 mijë fletë, priten edhe 23 mijë fletë të tjera. Italia, 71 mijë vota janë të administruara në Parkun Olimpik”, raportoi gazetarja Greta Bullari për abc news.