Presidenti i Republikës, Ilir Meta, ndodhet sot, e premte në qytetin e Beratit, ku po zhvillon vizita në qytet. Ai zgjodhi Beratin në Ditën Kombëtare të Trashëgimisë Kulturore.

Fillimisht u ndal në Muzeun Onufri, ku shprehu vlerësim të lartë për restauruesit shqiptarë të Ministrisë së Kulturës dhe Institutit të Monumenteve, për punën e tyre në zbulimin e thesareve të fshehura të monumenteve të kulturës.

Presidenti ka vlerësuar në maksimum punën e një anëtareje të kabinetit qeveritar, siç është Kumbaro e Kulturës.

Në fjalën e hapjes për publikun, presidenti Meta ka filluar me fjalët:

“E dashur ministre Kumbaro, faleminderit…”.

‘Miqësia, e thellë mes presidentit dhe ministres së qeverisë ‘Rama’ sot në Berat po komentohet si pika e parë e afrimit mes dy palëve në koalicionin e mëparshëm dhe ‘armiq’ të tanishëm: PS dhe LSI.

Zoti Meta, sot si kurrë më parë, ka mbajtur një fjalim shumë të gjatë në Berat. Me sa duket ndjehet edhe entuziazmi për  nisjen e lidhjes dhe bashkëpunimit mes PS dhe LSI.

Më pas presidenti iu drejtua edhe të tjerëve me fjalët “i dashur” ose ‘të nderuar’.

“I nderuar zoti Kryetar i Bashkisë,

Të nderuar përfaqësues të komuniteteve fetare,

Të nderuar deputetë,

Të dashur qytetarë,

Të dashur miq”.

Vizita në Berat ishte dalja e parë publike e presidentit Meta në rajonin e Republikës.

Veritas.com.al/