Kjo vjen pas humbjes së zgjedhjeve të “6 Marsit”,  ku njëkohësish Basha ka lajmëruar për të qenë në mbledhjen e orës 17:00 edhe kryesinë e partisë si dhe Kolegjin e Kryetarëve.

 Duke iu referuar numrit të pjesëmarrësve, pritet që kryedemokrati Basha të bëjë publik një ‘vendim të rëndësishëm’.Dy javë më parë, një pjesë e madhe e deputetëve i kërkuan Bashës të bëjë një hap pas dhe të largohet nga drejtimi i partisë për ti hapur rrugë bashkimit të saj.

Disa prej tyre i vendosën edhe afate Bashës për largimin, afate që tashmë kanë kaluar, ndërkohë që të tjerë kanë deklaruar publikisht se në drejtimin e partisë duhet të jetë një emër i tiij, përveç Bashës dhe Berishës.

Përballë këtyre kritikëve, Basha ka në krah një pjesë të vogël të deputetëve, kreret e degeve,  por edhe kandidatët e 6 marsit.  Por edhe pse i vënë në këtë situatë,  Lulzim Basha ka thënë se është i gatshëm për çdo zgjidhje, pa përjashtim, por pa artikuluar për asnjë moment fjalën ‘dorëheqje’.

Në përditësim…