Jennifer Jacobs dhe Shinhye Kang, 

Bloomberg prill 21,2020

 

Kim Jong Un mund të jetë në “rrezik të madh” pas operacionit: CNN

Sh.B.A po kërkon detaje në lidhje me shëndetin e Kim Jong Un pasi mori informacionin se udhëheqësi i Koresë së Veriut ishte në gjendje kritike pasi iu nënshtrua operacionit kardiovaskular javën e kaluar, thanë zyrtarët e Sh.B.A.

Administrata Trump nuk ishte e sigurt për gjendjen aktuale të Kim, thanë zyrtarët, të cilët kërkuan të mos identifikoheshin. Njëri nga zyrtarët tha që Shtëpia e Bardhë u tha që Kim mori një kthesë për keq pas operacionit, ndërsa CNN më herët citoi një zyrtar Amerikan me njohuri të drejtpërdrejtë duke thënë se udhëheqësi i Koresë së Veriut mund të jetë në “rrezik të madh”. Shtëpia e Bardhë nuk pranoi të komentojë.

Yonhap News e Koresë së Jugut të Martën citoi një zyrtar të paidentifikuar në zyrën e Presidentit Moon Jae-in duke thënë se Kim po zhvillonte “aktivitete normale” në një pjesë rurale të vendit. Udhëheqësi i Koresë së Veriut po asistohet nga ndihmës të afërt dhe nuk jane zbuluar lëvizje të veçanta, thuhet në raport. Kang Min-seok, një zëdhënës në zyrën presidenciale të Koresë së Jugut, tha më parë se nuk kishte asgjë për të konfirmuar mbi spekulimet për shëndetin e Kim.

Lajmet rreth shëndetit të Kim nxitën indikatorin e vlerësimit Kospi të zgjasë humbjet në deri 3% ndërsa fitimi ra 0.9% ndaj dollarit.

Shëndeti i Kim, 36 vjeç dhe një duhanpirësi i keq, është një nga sekretet më të ruajtura nga Koreja e Veriut, që zakonisht njihet vetëm nga një pjesë e vogël e njerëzve në rrethin e brendshëm të udhëheqjes. Ndërsa Koreja e Veriut kishte zvogëluar ngjarjet e mëdha ndërsa luftonte kundër pandemisë së koronavirusit, spekulimet për Kim ishin në rritje që nga mungesa e tij e paparë nga festimet e 15 Prillit për ditëlindjen e gjyshit të tij dhe themeluesit të shtetit Kim Il Sung, një nga ditët më të mëdha në kalendarin e vendit.

Edhe ekspertët më të informuar të Koresë së Veriut e kanë të vështirë të tregojnë se çfarë po ndodh në shtetin sekret. Daily NK, një faqe internet me qendër në Seul që mbledh informacione nga informatorë brenda kombit të izoluar, raportoi veçmas se Kim ju nënshtrua një “procedure kirurgjikale kardiovaskulare” dhe tani ishte më së shumti i rikuperuar. Reuters citoi një zyrtar në Departamentin e Ndërlidhjes Ndërkombëtare të Partisë Komuniste Kineze duke thënë se Kim nuk besohej se ishte i sëmurë kritik.

Cdo krizë lidershipi në Korenë e Veriut mund të ketë potencialisht pasoja serioze për stabilitetin rajonal, si dhe për bisedimet me SH.B.A. mbi arsenalin bërthamor të vendit. Kim, i cili mori pushtetin në vitin 2011 pas mbretërimit 17-vjeçar të babait të tij, ka zhvilluar aftësinë për të ofruar një testim bërthamor në çdo pjesë të Sh.B.A-së përpara se të angazhohej në bisedime të drejtpërdrejta me Presidentin Donald Trump mbi arsenalin e tij dhe sanksionet e vendosura ndaj shtetit te tij.

“Kur Kim Jong Un erdhi në pushtet, rruga e tij drejt udhëheqjes ishte kultivuar me kujdes nga udhëzimet dhe manovrimi i babait të tij,” tha Mintaro Oba, një ish-diplomat Amerikan që ishte përgjegjës për çështjet e Gadishullit Korean. “Tani nuk ka një plan të qartë tranzicioni dhe asnjë udhëheqës të qartë të ardhshëm. Do të ketë një sasi të madhe pasigurie në Korenë e Veriut, dhe potencialisht, luftëra të mëdha për pushtet dhe paqëndrueshmëri te brendshme. ”

Kalë i bardhë

Kim është treguar në mediat shtetërore muajt e fundit duke u paraqitur në stërvitje ushtarake hipur në një kalë të bardhë mbi mallet ne vendin Mt. Paektu, ku propaganda shtetërore thotë se gjyshi i tij e përdori si një bazë guerile për të luftuar okupatorët kolonialë Japonezë. Mediat shtetërore të Koresë së Veriut raportuan në 11 Prill se Kim mori pjesë në një takim të Byrosë Politike të Partisë së Punës në pushtet në Kore. Të nesërmen tha që ai inspektoi një njësi ushtarake, por nuk zbuloi datën e asaj vizite.

Ministria e Unifikimit e Koresë së Jugut tha të Premten se ishte “e papërshtatshme” të spekulohet me arsyet e mungesës së Kim. Kim ka bërë 17 paraqitje publike këtë vit që u përmendën në mediat shtetërore – me një ritëm prej më shumë se një në javë – tha ministria. Kjo është pak më pak nga 84 paraqitjet publike vitin e kaluar.

Inteligjenca e Koresë së Jugut tha se Kim Jong Un u martua me Ri Sol Ju, një ish-këngëtare, në vitin 2009. Ata mendohet se kanë tre fëmijë, por nuk ka asnjë përmendje zyrtare për pasardhësit e tyre. Dennis Rodman, basketbollisti i shkëlqyer që vizitoi Kim në Korenë e Veriut, tha që në vitin 2013 ai mbajti në krahë vajzën e liderit, një vajzë me emrin Ju Ae. Ndërsa ka pasur pak kohë që ai të ketë një pasardhës, Kim ngriti statusin e motres se tij më te vogël Kim Yo Jong si një lojtare kryesore në shtetin sekret. Ajo u fut në qendër të vëmendjes globale kur shërbeu si e dërguar e Lojërave Olimpike Dimërore 2018 në Pyeongchang,Kore e Jugut dhe u bë anëtarja e parë e familjes qeverisëse që vizitoi Seulin.

VERITAS.COM.AL/