Kryeministri Edi Rama ka reaguar sërish lidhur me Akademinë e Shkencave, e cila sipas tij dështoi në marrjen e vendimit të duhur.

“Meqë Akademia e Shkencave zgjodhi farsën, uroj të gjejë dhe fondet për vijimin e farsës. Fondet tona do t’i shkojnë universitetit për kërkim shkencor”, ka deklaruar Rama në rrjetet sociale.

Rama ka konfirmuar kështu paralajmërimin e bërë më herët gjatë ditës, me rastin e ditës së zgjedhjeve në ASH.

“Nëse nuk reformohet Akademia e Shkencave nuk do marrë më asnjë qindarkë nga buxheti e do të duhet të dorëzojë godinën! Prandaj, stop farsës”, shkroi Rama.

E themeluar më 1972, Akademia e Shkencave është institucioni më i madh shkencor në Shqipëri. Me 26 anëtarë, akademikë; 13 anëtarë, akademikë të asociuar dhe 26 anëtarë nderi, akademia ka dy seksione: Seksionin e Shkencave Shoqërore dhe Albanologjike dhe atë të Shkencave Natyrore dhe Teknike.