Ambasada e SHBA ka konfirmuar një telefonatë midis të dërguarit të posaçëm për Ballkanin Perëndimor, Matthew Palmer dhe Presidentit Meta.

Menjëherë pas kësaj Presidenti ka reaguar ashpër ndaj SHBA: ‘Rruga e Elbasanit nuk të dërgon askund, veçse në Elbasan’, ka thënë ai

Ende nuk është e qartë çfarë është diskutuar në këtë telefonatë, por mëngjesin e sotëm, Ambasada e SHBA në Tiranë doli me një reagim në lidhje me situatën e krijua për ringritjen e Gjykatës Kushtetuese, ku fton palët ta çojnë çështjen në Komisionin e Venecias.

“Institucionet gjyqësore shqiptare, kushtetuta dhe ligjet për zbatimin e reformës në drejtësi, duhet të udhëheqin procesin e zgjidhjes së këtyre interpretimeve të debatuara. Në mungesë të një institucioni të përshtatshëm ligjor, i cili mund të vendoste mbi interpretimet e kundërta, Shtetet e Bashkuara mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias”, shton ambasada.

Veritas.com.al/