Ditën e sotme në Kryesinë e Kuvendit do të mblidhet Konferenca e Kryetarëve.

Kuvendi njofton se mbledhja do të nisë në orën 12:00, ndërsa do të shqyrtohet programi i punimeve të parlamentit për periudhën 15 janar 2024 – 23 shkurt 2024.

Njoftimi:

Konferenca e Kryetarëve

– Vendndodhja: Kryesia e Kuvendit, salla “Pjetër Arbnori” (kati 4).

– Ora:12:00

Mbledhja e Konferencës së Kryetarëve me rend dite:

– Shqyrtimi i draftprogramit të punimeve të Kuvendit për periudhën 15 janar 2024 – 23 shkurt 2024

– Shqyrtimi i draftkalendarit të punimeve të Kuvendit për periudhën 15 janar 2024 – 2 shkurt 2024

– Shqyrtimi i draftkalendarit të kontrollit parlamentar të Kuvendit (agjenda vjetore për kontrollin e mbikëqyrjes parlamentare për institucionet e

pavarura dhe agjencitë ligjzbatuese), si dhe projektkalendari vjetor i kontrollit parlamentar (seanca dëgjimore dhe vizita monitoruese të komisioneve parlamentare).

– Miratimi i Draftplanit të Veprimit për adresimin e rekomandimeve për Kuvendin në raportin e Komisionit Europian për shqyrtimin analitik për Grup – Kapitujt e Parë, Cluster 1 (Themelorët).