Londër (AFP) – Britania do të mbajë zgjedhjet për Parlamentin Europian në fund të muajit pavarësisht se çfarë ndodh në bisedimet në vazhdim me opozitën për të kaluar një marrëveshje Brexiti, tha të martën zëvendësi de fakto i Kryeministres Theresa May.

“Duke pasur parasysh se sa pak kohë ka mbetur…është për te ardhur keq qe nuk do të jetë e mundur të përfundojë ky proces para datës që është ligjërisht e caktuar për shkak të zgjedhjeve parlamentare evropiane”, tha David Lidington në komente televizive.

Pas shtyrjes dy here të datës së Brexit, qeveria kishte shpresuar se do të mund të merrte një projekt marrëveshje divorci përmes parlamentit përpara mbarimit te afatit, kështu që nuk do të duhej të vazhdonte me zgjedhjet më 23 maj.

“Ne shpresuam shumë që do të ishim në gjendje të merrnim exit-in tonë dhe të kishim traktatin te përfunduar në mënyrë që këto zgjedhje nuk duhet të ndodhnin”, tha Lidington.

Lidington shtoi se qeveria do të “dyfishojë përpjekjet tona dhe bisedimet me deputetët e të gjitha partive në përpjekje për t’u siguruar që shtyrja pas kësaj të jetë sa më e shkurtër që të jetë e mundur.

“Idealisht do të donim të ishim në një situatë ku keta Deputete te Parlamentit Evropian kurrë nuk duhet të zinin vendin e tyre në Parlamentin Europian, sigurisht që të arrihet ky rezultat dhe të çpluhurosen gjate pushimeve te verës”, tha ai.

Parlamenti i ri i zgjedhur Europian do të mblidhet për herë të parë më 2 korrik. Pushimi veror i parlamentit Britanik do të fillojë më 20 korrik.

“Kjo do të thotë përpjekje, punë e vështirë dhe kompromis nga partitë e ndryshme politike, njerëz nga të dy anët, Leave dhe Remain, në debatin Evropian”, tha Lidington.

Veritas.com.al/