Presidenti Donald Trump i ka thënë njerezve te rrethit të tij të brendshëm se Elon m

Musk do të tërhiqet nga roli i tij në qeverinë amerikane javën e ardhshme.

Megjithatë Trump mbetet i kënaqur me Musk dhe iniciativën e tij të Departamentit të Efikasitetit të Qeverisë, por të dy kanë vendosur ditët e fundit se së shpejti do të jetë koha që Musk të kthehet në bizneset e tij dhe të marrë një rol mbështetës.

Tërheqja e Musk vjen pasi disa të anëtarë të administratës Trump dhe shumë aleatë të jashtëm janë të pakënaqur me paparashikueshmërinë e tij.

Lëvizja përfaqëson një ndryshim të fortë në marrëdhëniet Trump-Musk nga një muaj më parë, kur zyrtarët e Shtëpisë së Bardhë dhe aleatët parashikonin se miliarderi do e mbante detyrën për një kohë të gjatë.

Një zyrtar i lartë i administratës tha se Musk ka të ngjarë të mbajë një rol jozyrtar si këshilltar. Një tjetër paralajmëroi se kushdo që mendon se Musk do të zhduket tërësisht nga orbita e Trump, po “mashtron veten”.

Tranzicioni ka të ngjarë të korrespondojë me fundin e kohës së Musk si “punonjës i posaçëm qeveritar”, një status i veçantë që e përjashton atë përkohësisht nga disa rregulla të etikës dhe konfliktit të interesave.

Kjo periudhë 130-ditore pritet të përfundojë në fund të majit ose në fillim të qershorit.