Kryeministri Edi Rama nga Finiqi i Sarandës ka thënë se zgjedhjet do të mbahen në 30 qershor.

“Në 30 qershor zgjedhjet do bëhen në gjithë territorin e Shqipërisë. Përpjekja për të krijuar konflikte nuk ka shans, për ta kthyer Shqipërinë prapa nuk ka asnjë shans, sepse nuk ka popull. Kush i fryn zjarrit të dhunës, është i destinuar të tretet në atë zjarr. Nuk ka shans që në Shqipërinë e vitit 2019 të fitojë dhuna, kaosi, të fitojnë qorrat që nuk kanë asnjë ideal, ide që nuk kanë asgjë për të ofruar përveç vetes dhe hallit të tyre të madh të kthyer në një platformë dhune.

Në 30 qershor Shqipëria do bëjë zgjedhje. 30 qershori do jetë një ditë normale, edhe sikur të ketë shfaqje sporadike, apo orvatje të dëshpëruara pasi nuk do e bllokojnë dot procesin”, tha Rama.

Veritas.com.al/