Ngjarja e dhimbshme ka ndodhur sot, kur vajza 9 vjeç ka rrëshqitur në një rezervuar dhe nëna është hedhur në ujëra për ta shpëtuar, por kanë humbur jetën nënë e bijë.

Policia ka dalë me një komunikatë zyrtare në lidhje me ngjarjen tragjike të ndodhur në fshatin Alarup, ku një vajzë vetëm 9 vjeçe dhe nëna e saj gjetën vdekjen.

Policia sqaron se vajza ka rënë aksidentalisht në rezervuarin e ujit dhe në tentativë për ta shpëtuar ka shkuar e ëma. Fatkeqësisht të dyja janë mbytur në rezervuar. Mësohet se identiteti i gruas 35 vjeçe është Liri Mazelli.

“Më datë 06.10.2019, rreth orës 17.00, në një rezervuar, në fshatin Alarup, aksidentalisht dyshohet se ka rrëshqitur dhe është mbytur shtetasja E.M, rreth 9 vjeçe.

Në afërsi të vendngjarjes, ndodhej duke punuar nëna e saj, shtetasja L.M, 35 vjeçe, e cila ka ndërhyrë për të shpëtuar vajzën, por ka gjetur vdekjen edhe ajo.

Grupi hetimor po kryen veprimet proceduriale dhe po punon për të zbardhur rrethanat e ngjarjes.“-njofton policia.

Veritas.com.al/