Nese mazhoranca parlamentare do te vijoje të ruaj të njëjtën skeme të drejtimit komisioneve të Kuvendit, lidershipi demokrat ka vendosur t’ia besoje Albana Vokshit kryesimin e komisionit parlamentar te Shendetesise, Integrimin e merr ne dore Jorida Tabakun ndërsa hyrjes më të re Agron Gjekmarkaj i caktohet drejtimi i komisionit per Edukimin dhe Mjetet e Informimit Publik. Demokratët idetë e qarta i kane edhe për zevendes kryetarët e 5 komisioneve parlamentare.

Zgjedhjet ua prishën planet për bashkëqeverisje Lulzim Bashës dhe Monika Kryemadhit. LSI mori rezultatin e saj më të dobët, 4 deputetë të pamjaftueshëm për të formuar një grup parlamentar ndaj i duhet ndihma e aleatit të madh në betejën e saj parlamentare.

Kjo ishte hera e fundit kur dy aleatet u shfaqën bashkë pak ditë para zgjedhjeve për të hedhur poshtë zërat për një krisje në koalicion. Lulzim Basha dhe Monika Kryemadhi pas humbjes duket se janë angazhuar ne problemet e partisë. Pas 25 Prillit PD-LSI u përballen me një valë largimesh. Rrjedhja më e madhe u shënuan në radhët e demokratëve, ndërsa hemorragjia sot vijoi tek forca e dyte e opozitës. LSI i druhej nje dezertimit të Luan Ramës gjatë zgjedhjeve, por largimi i tij ndodhi më pas tyre. Zëvendës kryetarit të LSI iu deshën 4 muaj reflektin për të dalë në konkluzionin se dikush duhet te mbaje përgjegjësi për humbjen e thelle. Ai mbi supe mori rezultatin zhgënjyes në zonën që drejtoi, Vlorën duke hequr dore nga çdo funksion politik në parti.