Sekretari i Shtetit Mike Pompeo u tha të pranishmëve në Forumin Ekonomik Botëror në Davos, Zvicër, të martën se disfata e interesave politike të ngulitura në zyrat kryesore në te gjithe botën – nga Amerika në Itali deri në Brazil – ishte një “zhvillim pozitiv” për botën dhe një kthim në vizionin e botës sipas se cilës “kombet kanë rëndësi”.
Pompeo mbrojti me entuziazëm sloganin e fushatës së Presidentit Donald Trump, “Make America Great Again”, si një filozofi që ka përshpejtuar rritjen ekonomike në vend dhe përmirësuar jetën e amerikanëve te shtresës se mesme. Ai inkurajoi mbledhjen, duke përfshirë edhe udhëheqësit botërorë edhe biznesmenët me influencë globale, për të përqafuar “sigurinë ekonomike” dhe për të hedhur poshtë ndikimet e organeve ndërkombëtare te mbetura shume larg nga interesat e popullit.
“Gjatë disa viteve të fundit, në të gjithë botën, votuesit kanë eliminuar politikanët dhe aleancat politike që ata mendonin se nuk përfaqësonin interesat e tyre”, u tha Pompeo turmës nëpërmjet satelitit nga Uashington DC. “Në Ohajo, Rio de Janeiro dhe në Romë, njerëzit po bëjnë pyetje që nuk janë bere ndonjëherë, ose të paktën nuk janë marrë seriozisht, për një kohë shumë të gjatë. A është globalizimi ekonomik vërtet i mirë për mua? A na mbrojnë siç duhet liderët tanë politikë nga kërcënimet si terrorizmi? A po punojnë për të siguruar interesat tona kombëtare jashtë vendit? ”
Përgjigjet për shumicën në zgjedhjet që kanë hedhur poshtë pushtetet e establishmentit, duket të jenë “jo”, diçka që Pompeo sugjeroi, kishte frikësuar shumë njerëz në komunitetin e biznesit ndërkombëtar.
“Unë do të argumentoja se kjo çarje është një zhvillim pozitiv”, insistoi ai megjithatë . “Po përqafojmë të vërtetat e testuara me kohë. Te vërteta si kjo: Kombet kane rëndësi. Asnjë organizem ndërkombëtar nuk mund të mbroje një popull, siç mund ta bëjnë udhëheqësit e tyre. Kufijtë e fortë janë kyçi i kombeve të forta. ”
Pompeo theksoi veçanërisht idenë se “siguria ekonomike është siguri kombëtare” – pa një ekonomi të fuqishme, kombet mund të bien pre e fuqive më të mëdha ekonomike, duke rezultuar në borxhe ekstreme, pabarazi në pasuri dhe humbje të lirisë. Duke cituar Presidentin Ronald Reagan, Pompeo insistoi se slogani i tij klasik “paqe përmes forcës” i referohej forcës ekonomike po aq sa edhe forcës ushtarake: “Ishte forca e krijuar nga një ekonomi e lirë dhe solide që jo vetëm krijon pasuri, por edhe liri . ”
“Ky projekt ekonomik – taksa të ulëta, rregullime të efektshme dhe reforma tregtare- mund të funksionojnë për ju dhe vendet tuaja,” u tha Pompeo të pranishmëve, duke u kërkuar atyre të përqafojnë filozofitë e administratës së Trump.
Oferta e Pompeos për të bindur vendet në zhvillim në një udhëkryq për të zgjedhur zhvillimin e stilit amerikan vjen në një kohë kur Uashingtoni e gjen veten duke u përballur me një vale kundër- reklamash nga Kina, që ne tre vitet e fundit i ka shitur autoritarizmin politik dhe ekonomik botës në zhvillim. E ka bërë në mënyrë më të dukshme me Iniciativën e Brezit dhe Rruges (BRI), një fushatë për të ndërtuar portet, hekurudhat dhe rrugët që lidhin Pekinin me Lisbonën, duke i bërë jehonë shtegut origjinal antik të Rruges se Mëndafshit. Zyrtarët e Kinës kanë pretenduar, në përpjekjet për t’i bindur vendet që të lejojnë ekipet e zyrtarëve të qeverisë kineze të ndërtojnë dhe kontrollojnë këtë infrastrukturë në vendet e tyre, se nje pjesë e Afrikës, Detit të Kinës Jugore dhe Amerikës Latine gjithashtu kishte lidhje me Rrugën antike të Mëndafshit, pavarësisht mungesës se provave historike.
“Iniciativa e Brezit dhe Rrugës e propozuar nga Presidenti Xi Jinping është një e mirë publike që Kina i ofron botës. Në të vërtetë, ajo është rritur në platformën më të madhe për bashkëpunim ndërkombëtar, “tha ministri i jashtëm kinez Wang Yi në Asamblenë e Përgjithshme të Kombeve të Bashkuara në shtator. “Nisma është e hapur, transparente dhe përfshirëse; ajo bazohet në rregullat dhe ligjet ndërkombëtare dhe synon të arrijë një zhvillim ekologjik, miqësor ndaj mjedisit dhe të qëndrueshëm “.
Realiteti nuk i ka përmbushur premtimet e Wang. Kombet e përfshira në BRI tani bartin borxhe të jashtezakonshme ndaj Kinës dhe kanë detyruar disa, si Sri Lanka dhe Xhibuti, të heqin dorë nga sovraniteti territorial ku janë ndërtuar projektet. Të tjerë – si Pakistani, Malajzia, Kenia dhe Ekuadori – janë aq borxhli ndaj Kinës saqë tani janë në prag të falimentimit, potencialisht duke i detyruar ata të lejojnë praninë e përhershme komuniste kineze në vendin e tyre.
Administrata e Trump ka bërë prioritet neutralizimin e përpjekjeve te propagandës BRI, duke e quajtur planin “diplomacia e kurthit te borxheve”.
Gjatë fjalimit të tij në Davos, Pompeo i tha auditorit se Uashingtoni ishte “ribalancimi i marrëdhënieve me Kinën, së bashku me vendet partnere në Azi dhe në mbarë botën”. I pyetur për të elaboruar marrëdhëniet mes dy vendeve, Pompeo i kërkoi Kinës që të përqafojë lirinë politike si një mjet për lirinë ekonomike.
“Këto parime të demokracisë, këto gjëra që kanë krijuar kaq shumë pasuri për të gjithë globin, do të udhëheqin marrëdhëniet midis Shteteve të Bashkuara dhe Kinës në vitet në vijim dhe shpresojmë që Kina të miratojë politika që janë në përputhje me këtë,” tha Pompeo. “Nëse e bëjnë, unë jam shumë i bindur se dy kombet tona mund të lulëzojnë dhe të përparojnë së bashku”.
VERITAS.COM.AL/
75 438 
