(FOTO: Fred Peza, deputet i Partisë Socialiste)/

Prokuroria e Përgjithshme ka thirrur sot deputetin Alfred Peza, për të dhënë deklarime si person në hetim për çështjen e pasurisë.

Pas publikimit të deklaratës noteriale dhe  raportimeve në media se  bashkëshortja e deputetit ka blerë aksione me vlerë mbi 1 miliardë lekë në një bankë private, kanë nisur dhe hetimet.

Pas publikimit të këtij rastit vetë deputeti i Partisë Socialiste Alfred Peza ka reaguar publikisht përpara mediave, lidhur me akuzat e ngritura ndaj tij për një pasuri prej 1 milionë dollarësh, dhe pas deklaratës së nisjeve të hetimit nga ana e ILDKPKI-së.

Para medias ai ka deklaruar se  e gjithë pasuria e tij është transparente dhe publike, dhe është kontrolluar sistematikisht në këto 15 vitet e fundit.

Peza, deputet, iu është drejtuar publikisht kolegëve gazetar me disa pyetje sfiduese:

-Pse qenkam paguar mijëra euro në çdo media?… Atëherë çfarë lufte qenka kjo?… Është beteja e ziliqarëve për lekët e mia…

Inspektorati i Lartë i Deklarimit dhe Kontrollit të Pasurive dhe Konfliktit të Interesave, (ILDKPKI) ka nisur hetimin e plotë për pasurinë e deputetit socialist, Alfred Peza. Hetimi nisi pas raportimeve në media se bashkëshortja e deputetit ka blerë aksione me vlerë mbi 1 miliardë lekë në një bankë private.

/Veritas.com.al/