Është mbajtur këtë të enjte në Tiranë, takimi i dytë i nivelit të lartë “Shqipëria2030 në BE – Rruga e Reformave”.

Gjatë fjalës së tij, kryeministri Edi Rama tha se reforma në drejtësi është e pakthyeshme.

Rëndësi të veçantë gjatë fjalës së tij Rama i kushtoi edhe procesit të integrimit europian, duke u shprehur se rruga e vetme dhe fokusi kryesor është që Shqipëria të bëhet pjesë e familjes së madhe europiane.

“Garantimi i pakthyeshmërisë i reformës në drejtësi është një nga pikat kyçe të referimit tonë. Gjitëpërfshirja është një problem shumë i madh në Shqipëri. Unë i uroj sukses Kryetares së Kuvendit për t’i dhënë fund konfliktit në politikë. Nëse palët politike e kanë të vështirë të bëhen bashkë, nuk mund ta kenë të vështirë institucionet të bëhen bashkë. Të bëhen bashkë për të kontribuar në një proces shtet-bërje që është misioni i përbashkët. Ashtu sikundër ekspertët e pavarur nga bota akademike, kanë nevojë për një hapësirë ndërveprimi. Por në Parlament është ndryshe. Dhe u vërtetua që e shtriu këtë debat kudo ku Kuvendi si institucion ka legjitimitetin e duhur për të ndërmarrë reforma që mund të angazhojë dhe forca të tjera. Por u pa që aktivistë shumë kritikë ndaj qeverisë, ekspertë pedagogë, u bënë bashkë për këtë proces. Duhet të jemi të vërtetë, Kuvendi nuk është në lartësinë ku duhet të jetë dhe ku ky proces mund dhe do ta çojë. Kuvendi i Shqipërisë për një kohë të gjatë do jetë në një rol të dyfishtë, politik-bërjes së brendshme dhe një procesi që shkon përtej. Dhe ka akoma në Kuvend një strukturë që ndjek çështje që lidhen me transparencë. Ne kemi kuptuar se rezulton një strukturë efikase. Dua të them që nuk kemi zgjedhje tjetër, është vetëm një plan, një rrugë që është BE. Ne nuk jemi perëndimorë të përkëdhelur nga fati, ne jemi rritur në ferr dhe e dimë që BE është shumë më tepër se një bankomat”, tha ai.