Janë rikthyer sërish reshjet e borës në qarkun e Dibrës. Si pasojë e reshjeve që nisën që në orët e para të mëngjesit u bllokua aksi i rrugës së Arbërit në bypassin Qafë Murrizë.

Policia iu bëri thirrje shoferëve që lëvizin në drejtim të Tiranës dhe anasjelltas nëpërmjet bypass- Qafë Murrizë, të ndjekin aksin rrugor Klos-Burrel-Ulëz.

Vendi ynë gjatë orëve të fundit është përfshirë nga moti i keq me reshje shiu dhe bore në zonat malore.

Autoriteti Rrugor Shqiptar përmes një postimi në rrjetet sociale njofton se reshjet e borës kanë zbardhur një pjesë të zonave malore në veri.

Sipas njoftimit mësohet se kalimi në Qafë Thore-Theth është pa vështirësi dhe pse bëhet thirrje për kujdes nga drejtuesit e automjeteve.

“Në Qafë Thore-Theth kanë filluar reshjet e dëborës.

Po punohet me borëpastruese dhe me shpërndarjen e kripës për ta mbajtur qarkullimin në normalitet

Tregoni kujdes të shtuar gjatë drejtimit të mjetit, në kohë me reshje  pajisuni me goma dimërore kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore‍”, thuhet në njoftimin e ARRSH-së.

Ndërkaq mëngjesin e sotëm për shkak të borës është bllokuar përkohësisht kalimi në rrugen e Arbrit ne vendin e quajtur Qafe Murriz.