Sondazhet vazhdojnë të fotografojnë një diferencë shumë të qartë midis Joe Biden dhe Donald Trump. Më 6 tetor, një sondazh nga SSRS për CNN fotografoi kandidatin demokrat në krye me 57% të votave, duke e lënë presidentin pas me 16 pikë. Ajo që këto gjetje nuk thonë është se ndeshja për Shtëpinë e Bardhë nuk do të luhet në të gjitha Shtetet .
Rregulli i kolegjit zgjedhor, i cili përmblidhet në fitoren e zgjedhësve të mëdhenj të cilët më pas zgjedhin zyrtarisht presidentin, në fakt ul rëndësinë e të dhënave kombëtare. Më së shumti, këto sondazhe kthejnë ndjenjën mbizotëruese në vend në momentin kur ato kryhen. Në realitet, siç e kemi theksuar tashmë ato që do të vlejnë jane betejat ne Shtetet e veçanta.
Për të kuptuar se në cilin drejtim mund të shkojë vota, është e nevojshme të vëzhgohen tre fenomene: kombinimet që mund të krijohen në shtetet në ekuilibër; numrat në lidhje me regjistrimin e votuesve; dhe nevoja që Trump dhe Biden të mbrojnë çifligjet e tyre nga përmbysjet e mundshme.
Para se të rishikoni këto tre aspekte,ka një pike te fundit që duhet të bëhet. Fushata për këto zgjedhje është një nga më të ndërlikuarat dhe më të luftuarat. Përdorimi i mundshëm masiv i votimit postar mund të vonojë rezultatet përfundimtare të zgjedhjeve dhe për këtë arsye në natën e 3 nëntorit nuk mund të ketë një vendim përfundimtar. Kjo vlen veçanërisht për Joe Biden. Kandidati i partisë së gomarit për të mundur Trumpin duke shmangur një proces kompleks pas votimit duhet të shpresojë të fitojë me diferenca të mëdha. Por votimi i vitit 2016 tregoi se në një komb shumë të polarizuar kjo nuk është gjithmonë e mundur, veçanërisht për shkak të diferencës së ngushtë në Shtetet ne balance.
Përplasja në shtetet e lekundura
Më pak se një muaj nga votimi, loja mbetet e gjallë në gjashtë realitete: Wisconsin, Michigan, Pennsylvania, Carolina e Veriut, Florida dhe Arizona. Nuk është rastësi që 85% e të gjitha investimeve publicitare shkojnë në ato gjashtë shtete. Sipas Advertising Analytics, një kompani eksperte për ndjekjen e publicitetit, nga fillimi i fushatës janë shpenzuar 700 milion dollarë në rezervime per njoftime, shumica e tyre në shtetet e balancuara. Fushata e Biden dhe grupet e tij mbështetëse shpenzuan 90% të fondeve të tyre vetëm për ato gjashtë shtete, ndërsa Trump dhe organizatat Republikane kane shpenzuar 78 cent ne njëqind.
Katër prej këtyre shteteve, Florida, Pensilvania, Wisconsin dhe Michigan kanë ndryshuar kohët e fundit ngjyrën. Në 2008 dhe 2012 ata në fakt kishin votuar për Barack Obamen, ndërsa në 2016 manjati kishte arritur përmbysjen. Diskutim i ndryshëm për Karolinën e Veriut që ishte kthyer blu vetëm në vitin 2008, ndërsa në dy raundet e ardhshme votoi për GOP. Arizona mbetet një terren i i përmbajtshëm pasi pas dekadash qeverisje republikane ajo gradualisht është bërë një shtet demokratik.
Nëse shikojmë sondazhet shtet më shtet mund të shohim se si situatat janë të ndryshme. Për shembull, në Karolinën e Veriut, gara është shumë e ngushtë. Sipas mesatares së Real Clear Politics që nga 12 tetori, Biden po kryeson me një diferencë shumë të ngushtë prej 1.4 pikësh. Hendeku në Florida dhe Arizona është pak më i gjerë, ku ish-zëvendësi i Obamës kryeson me 3.7 dhe 2.7 pikë më shumë përkatësisht. Në të gjitha këto raste ne jemi ende në kufijtë e gabimeve dhe gara është konfirmuar të jetë shumë e ngushtë. Diskutim i ndryshëm për tre shtetet e tjera ku avantazhi demokrat është më i qëndrueshëm: Pennsylvania (+ 7,1%), Michigani (+ 6,7%) dhe Wisconsin (+ 5,5%).
Trofeu në termat e votuesve te mëdhenj që të gjashtë sjellin si pajë është lakmitar pasi ne po flasim për 101 përfaqësuesit e kolegjit elektoral. Nëse për momentin supozojmë se pjesa tjetër e vendit voton si në 2016, Biden duhet të fitojë të paktën 38 nga 100, ndërsa Trump duhet të bëjë një përpjekje shtesë për të arritur ne 66.
Sondazhet thonë se kombinimet për Trump nuk janë shume. Për të arritur kuotën 66, manjatit do t’i duhej të vinte duart të paktën mbi katër shtete. Në këtë simulim, kandidatët më të pranueshëm janë Karolina e Veriut (15), Florida (29), Arizona (11) dhe Pensilvania (20), për një total prej 75. Ndërsa Biden do të kishte tre rrugë. E para ajo e rindërtimit te murit blu në Rust Belt, duke marrë Pensilvanian (20), Wisconsin (10) dhe Michiganin (16). E dyta, më komplekse do të ishte të merrte të paktën Floridan dhe cilindo nga pesë të tjerët në balance.
Siç kemi parë më perpara, nuk është e thënë se te gjitha diferencat janë aq të mëdha sa tregojnë sondazhet. Edhe midis shteteve në ekuilibër mund të përfundojë me barazim. Trump si shembull mund të marrë Karolinën e Veriut, Floridan dhe Pensilvanine ndërsa Biden të marrë Arizonën, Michiganin dhe Wisconsin.
Përveç sondazheve: pesha e regjistrimit të votave
A ka ndonjë mënyrë për të kuptuar se si po shkon fushata elektorale në këto zona përtej indikacioneve të sondazheve? Ndoshta po. Nbc News ka bashkuar disa të dhëna se si po shkojnë regjistrimet e votuesve në këto shtete. Në fakt, në SH.B.A., për të marrë pjesë, votuesit duhet të regjistrohen në listën zgjedhore duke treguar nëse duan ta bëjnë këtë si demokrat, republikan apo i pavarur. Epo, sipas të dhënave të fundit, GOP po shkon shumë më mirë se Demokratët në krijimin e këtyre listave.
Zyrtarisht fushata e Trump tha se kishte ngritur një makinë të madhe derë më derë e aftë për të arritur një milion njerëz në javë. Të dhënat nuk janë të verifikueshme, por ato të listave janë. Nga gjashtë shtetet që kemi konsideruar, katër i lejojnë votuesit të regjistrohen duke treguar partinë, ato janë Arizona, Karolina e Veriut, Pensilvania dhe Florida dhe në të gjitha këto Gop është përpara. Në Florida, për shembull, midis fillimit të zgjedhjeve paraprake në mars dhe fundit të gushtit, ajo shtoi 195,652 votues të regjistruar kundrejt 98,362 për demokratet. Për të marrë një ide në të njëjtën periudhë te zgjedhjeve presidenciale te 2016, numri ishte 182,983 me 163,571 për Republikanët. Dhe në atë vit Trump mori shtetin me një diference prej 112,000 votash.
Diskutim i ngjashëm edhe në Pensilvani me partinë e elefantëve përpara me 135,619 ndaj 57,985 në regjistrimet midis qershorit dhe fundit të shtatorit. Katër vjet më parë, kur hendeku ishte 175,016 me 155,269 përsëri për republikanët, Trump mbizotëroi me 44,000 vota. Republikanët kryesojnë gjithashtu në Karolinën e Veriut (83,785 me 38,137) dhe Arizona (31,139 me 29,667). Numrat që kanë dhënë alarme të ndryshme midis demokrateve. Aq sa disa kandidatë për Kongresin po i kërkojnë me insistim komitetit te Bidenit të rifillojë punën derë më derë.
Pak a shume si sondazhet, edhe këto numra duhet të merren me karar. Marrim për shembull fluksin e konsiderueshëm të votuesve të regjistruar si të pavarur, midis tyre mund të ketë shumë të rinj, tani alergjikë ndaj politikës, por zakonisht më të prirur për të votuar demokratët. Jo vetëm. Në zona si Pensilvania, qarqet me shumicë të bardhë që votuan për Trump në 2016 kanë ende një prani të fortë të votuesve të regjistruar si Demokratë.
Sidoqoftë, tema është shumë e nxehtë. Sipas një vlerësimi në Raportin Politik të Cook në 2016, rreth 7 milion votues të mundshëm nuk ishin paraqitur. Këta, të shpërndarë në mënyrë të barabartë midis Pensilvanisë (2.4), Floridas (2.2), Michiganit (1.6) dhe Wisconsin (872,000), mund të identifikohen si të bardhë pak të arsimuar që zakonisht votojnë në masë për manjatin. Një trofe i respektueshëm nëse edhe një herë marrim parasysh kufijtë e fitores në shumë prej këtyre shteteve, të tilla si kur Trump mori Wisconsin me vetëm 10,000 vota.
Shtetet që Biden dhe Trump duhet të mbrojnë
Nëse është e vërtetë që shtetet në ekuilibër do të luajnë rolin qendror, është po aq e vërtetë që kandidatët duhet të mbrojnë sidoqoftë disa nga kalatë e arta. Në rastin e Trump, realitetet për tu mbrojtur janë katër, të ndara si më poshtë: Ohio (18 votues të mëdhenj) dhe Iowa (6), ku Obama fitoi dy herë por në 2016 votuan vazhdimisht për manjatin; dhe kalatë historike të kuqe Texasi (38) dhe Georgia (16) të cilët nuk kanë votuar për demokratet për dekada por kanë treguar shenja të ndryshimit të madh në vitet e fundit.
Demokratët kane dashur të fusin duart e tyre mbi Teksas prej vitesh, vetë Hillary Clinton shpenzoi shumë pa qenë në gjendje të mbledhë asgjë. Dhe në fakt, në javët e fundit, fushata e Bidenit ka përmbytur shtetin me reklama me rreth 6.3 milion dollarë shpenzime, shkruan Advertising Analytics. Jo vetëm kaq. Midis fundit të shtatorit dhe fillimit të tetorit, Biden gjithashtu investoi shumë në Iowa dhe Ohio.
Ish zëvendës Presidenti, nga ana e tij, duhet të mbrojë disa shtete që konsiderohen të sigurta: Nevada, Minesota, New Hampshire dhe Maine. Tani për tani, sondazhet konfirmojnë Biden, por në 2016 Clinton fitoi me kufij të ngushtë, vetëm 2,736 në Granite State. Dhe kështu edhe këtu llogaria përfundimtare mund të luhet për një grusht votash.
VERITAS.COM.AL
75 434 
