Shqipëria kryeson Këshillin e Sigurimit të OKB për herë e dytë, e sot pritet që kryeministri Edi Rama të drejtojë një mbledhje të rëndësishme.

Për të folur për këtë, në studion e Tirana Live, ka qenë ish-ambasadori i Shqipërisë në OKB, Ksenofon Krisafi.

Ai e cilësoi Këshillin e Sigurimit si një nga organizatat më të rëndësishme në SHBA, duke shtuar se detyra kryesore e saj është, ruajtja e paqes dhe stabilitetit ndërkombëtar.

Ish-ambasadori u shpreh se pjesëmarrjen e Shqipërisë në përgjithësi në këtë organizatë do të cilësonte si ngjarje, madje edhe si festë.

“Unë do ta quaja në përgjithësi praninë e Shqipërisë në Këshillin e Sigurimit, aq me tepër marrjen e kryesisë si një ngjarje, madje si festë.

Kanë qenë disa kohë kur Shqipëria jonë, trokiste fuqishëm në zyrat e organizata ndërkombëtare për anëtarësim dhe dera e përplasej në fytyrë.

Ja ku jemi sot, Shqipëria anëtare e Këshillit të Sigurimit. Ku rëndësia më e madhe e kësaj organizate është ruajtja e paqes” tha fillimisht ish-ambasadori.

Më pas Krisafi, tregoi historinë e Shqipërisë me organizatat ndërkombëtare, duke e nisur që nga 1920 kur Shqipëria me shumë vështirësi u pranua në organizatën e Lidhjes së Kombeve të Bashkuara, por edhe pse roli i saj ishte ruajtja e vendeve anëtare në 1939 vendi ynë u pushtua nga Italia Fashiste.

Më pas erdhi anëtarësimi në OKB, sërish me shumë vështirësi dhe për shumë kohë roli i saj në këto organizata ka qenë më së shumti fiktiv se sa real.

“Unë thash pak më parë kur ishin kohëra kur Shqipëria nuk pranohej. Do ta nis në 1920, lidhje ne kombeve të Bashkuara, ku Shqipëria si një shtet pa probleme nuk pranohej, mirëpo për një rastësi të zhvillimeve rajonale dhe me gjerë , Shqipëria u pranua.

Shqipëria në 1939 u sulmua nga Italia fashiste. Megjithatë Shqipëria nuk hoqi dorë nga anëtarësimet në organizatat ndërkombëtare, duke e cilësuar si një gjë të rëndësishme.

Pas kësaj Shqipëria tentoi  të anëtarësohej në OKB. 10 vjet përpjekje për t’u bërë anëtare  e kësaj organizate,  vetëm në dhjetor 1955 Shqipëria u anëtarësua.

Në fillimet e veta, vendi i Shqipërisë dhe roli i saj, ishin më shumë fiktive, sipërfaqësor, sesa reale. Megjithëse ka pasur disa kohë kur Shqipëria ka dalë në evidencë në OKB.

Pas përmbysjes së komunizmit, Shqipëria e gjen veten e saj në organizatat ndërkombëtare, veçanërisht në OKB”, tha ai.

Kryesimi në KS nga Shqipëria do të ndihmojë edhe Kosovën

Sipas ish-ambasadorit të Shqipërisë në OKB, Ksenofon Krisafi i cili ishte i ftuar në “Tirana Live”, qenia e Shqipërisë, anëtare dhe drejtuese e Këshillit të Sigurimit, i shërben padiskutim imazhit të Shqipërisë, por edhe të gjithë shqiptarëve kudo ndodhen.

Sipas tij është detyre e drejtuesve shqiptarë dhe atyre kosovarë që ashtu siç bëjnë përpjekje për të pasur marrëdhënie të mira me shtetet fqinje, duhet të bëjnë 150% më shumë për përmirësimin e marrëdhënieve mes shqiptarëve.

“Qenia e Shqipërisë, anëtare dhe drejtuese e Këshillit të Sigurimit, iu shërben padiskutim përmirësimit të imazhit të Shqipërisë, por edhe gjithë shqiptarëve kudo ndodhen.]

Shikohet që Shqipëria nuk është vetëm ajo e turizmit, por është një vend me njerëz të aftë dhe të zgjuar.

Duke ardhur te Kosova. Është detyrë e të gjithëve, drejtuesve shqiptarë dhe kosovare, që ashtu siç bëjnë pëtpjekje për përmirësimin e marrëdhënieve me shtetet e tjera fqinje, të bëjnë 150% më shumë për përmirësimin e marrëdhënieve mes shqiptarëve” tha Krisafi.

Më pas ai foli edhe për ministrin e ri të Jashtëm, Igli Hasani, për të cilin tha se ka sfida të vështira për të zgjidhur sidomos atë me Greqinë.

Sipas tij, ministri duhet t’i përballojë me kuroja dhe mençuri të gjithë presionet që vijnë nga fqinjët.

Në OKB është edhe presidenti, Bajram Begaj, për të cilin Krisafi u shpreh se fat që Shqipëria ka tre anëtarë, duke shprehur fjalët më të mira për ushtrimin e detyrës deri në këto momente nga Begaj.

Në fund ish-ambasadori foli edhe për samitin e procesit të Berlinit që do të në tetor në Tiranë, duke u shprehur se Shqipëria tanimë është shndërruar në një vend të besueshëm për ndërkombëtarët.

Ai shtoi se aktualisht në fushën e politikës së jashtme, vendi është shumë mirë dhe meriton të trajtohet mirë.