Zyra e Prokurorit të Specializuar ka konfirmuar se është duke kryer bastisje në Prishtinë.
Mësohet se bastisje janë duke u kryer në shtëpitë e Hashim Thaçit, Kadri Veselit dhe Rexhep Selimit.
Thaçi, Veseli, e Selimi dje janë dërguar në Hagë, pasi u janë konfirmuar aktakuzat nga Specialja.
“Zyra e Prokurorit të Specializuar (ZPS) aktualisht është duke kryer operacione në Kosovë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian (EULEX)”, thuhet në konfirmim.
Pjesëtarë të EULEX-it, sot në mëngjes ia kanë mësyrë edhe shtëpisë së ish-presidentit Hashim Thaçi.
Tri vetura të EULEX-it të shoqëruara edhe nga dy të Policisë së Kosovës janë pranë shtëpisë së Thaçit në Prishtinë.
Në vendin e ngjarjes janë parë edhe Abelard Tahiri, zyrtar i PDK-së dhe Dastid Pallaska, avokat.
Bastisja nga pjesëtarët e EULEX-it ka nisur nën shoqërimin e avokatit Pallaska dhe të një familjari të Thaçit, ashtu siç parasheh edhe ligji për rastet e Speciales.
VERITAS.COM.AL/
75 717 
