Nga Paul Kirby
BBC

Kur Marina Ovsyannikova hyri në dhomat e ndenjes ne tv rus në lajmet e natës të së hënës, duke denoncuar luftën në Ukrainë dhe propagandën rreth saj, protesta e saj nënvizoi një rrjedhë të qetë por të qëndrueshme dorëheqjesh nga televizioni shtetëror rus i kontrolluar fort.

Presidenti ukrainas Volodymyr Zelensky e ka falënderuar atë, duke i bërë thirrje kujtdo që punon për atë që ai e quan sistemin propagandistik të Rusisë, të japë dorëheqjen. Çdo gazetar që punon në atë që ai e quan dega e katërt e pushtetit, rrezikon sanksione dhe një gjykim ne gjykatë ndërkombëtare për “justifikimin e krimeve të luftës”, paralajmëron ai.

Disa nga tifozët më të mëdhenj të presidentit rus Vladimir Putin në televizionin shtetëror, tashmë janë përballur me sanksione, duke përfshirë Vladimir Solovyov i cili prezanton një ‘talk show’ në kanalin më të madh të Rusisë ‘Rossiya-1’ dhe Margarita Simonyan që ka akuzuar këdo që te kete turp se është rus në këtë pikë si jo.

Kanaleve shtetërore të Rusisë kërkohet të ndjekin vijën e Kremlinit, kështu që kush është larguar si përgjigje ndaj luftës?

Disa orë pas protestës në ekran të Marina Ovsyannikova, dolën në dritë tre dorëheqje.

Kolegja e ‘Channel One’,  Zhanna Agalakova la punën si korrespondente për Evropën, ndërsa dy gazetarë janë larguar nga rivali NTV. Lilia Gildeyeva kishte punuar për kanalin si prezantuese që nga viti 2006 dhe Vadim Glusker kishte qenë në NTV për gati 30 vjet.

(Lilia Gildeyeva zbuloi të martën se ishte larguar nga Rusia dhe kishte dhënë dorëheqjen)

Thashethemet janë të shumta se gazetarët janë drejtuar gjithashtu drejt derës së grupit televiziv shtetëror All-Rusi VGTRK.

Gazetari Roman Super tha se njerëzit po largoheshin masivisht nga stacioni i lajmeve Vesti, megjithëse kjo nuk është konfirmuar. Megjithatë, prezantuesi i njohur i TV Sergej Brilev hodhi poshtë raportet se ai kishte dhënë dorëheqjen, duke theksuar se ai ka qenë në një udhëtim pune për më shumë se një javë.

Maria Baronova është e dorëhequra e profilit më të lartë në RT, e njohur më parë si ‘Rusia Sot’. Ish-kryeredaktorja në RT i tha Steve Rosenberg të BBC-së këtë muaj se Putin e kishte shkatërruar tashmë reputacionin e Rusisë dhe se edhe ekonomia ishte e vdekur.

( ‘Kisha një dashuri të madhe të jetës sime, Rusinë, që tani ka vdekur gjithashtu’:  Maria Baronova, Ish-kryeredaktor, RT)

Një numër i gazetarëve të tjerë të RT kanë dhënë gjithashtu dorëheqjen, duke përfshirë gazetarë jo-rusë që punojnë për shërbimet e saj gjuhësore.

Ish-korrespondentja nga Londra Shadia Edwards-Dashti njoftoi dorëheqjen e saj në ditën kur Rusia pushtoi Ukrainën pa dhënë arsye. Gazetari me bazë në Moskë, Jonny Tickle dha dorëheqjen në të njëjtën ditë “në dritën e ngjarjeve të fundit”.

Prezantuesi francez i RT-së, Frédéric Taddeï, tha se po largohej nga emisioni i tij sepse Franca ishte “në konflikt të hapur” me Rusinë dhe ai nuk mund të vazhdonte të prezantonte programin e tij  “për besnikëri ndaj vendit tim”.

Ditë më parë, BE-ja tha se po ndalonte të gjitha mediat e ndryshme të RT-së, si dhe ato të medias tjetër të Kremlinit ‘Sputnik’ për “fushatën e tyre të dezinformimit, manipulimit të informacionit dhe shtrembërimit të fakteve”. Sipas agjencisë së lajmeve Reuters, agjencia ruse e lajmeve me bazë në Gjermani, Ruptly, gjithashtu ka p137suar një valë dorëheqjesh.

Mediat ruse jo të Kremlinit janë sulmuar vazhdimisht për vite me rradhë, kështu që shumë gazetarë që kanë punuar nën kërcënimin e vazhdueshëm të humbjes së mjeteve të jetesës në media të pavarura, nuk do të mbeten të impresionuar nga vërshimi aktual i dorëheqjeve. Disa janë goditur me etiketën e agjentit të huaj të epokës sovjetike.

Dozhd (TV Rain), i cili u detyrua të largohej nga TV-të kryesore në vitin 2014, i është dashur të ndalojë transmetimet e tij në internet për shkak të pushtimit të Ukrainës dhe një numër i gazetarëve të tij janë larguar nga Rusia për sigurinë e tyre.

Radio Ekho Moskvy është marrë gjithashtu nga transmetimi mes legjislacionit të ri të Rusisë mbi të ashtuquajturat informacione të rreme. BBC Russian është në mesin e një numri të mediave perëndimore që janë ndaluar, ndërsa gazetarët që punonin për Meduza me bazë në Letoni u detyruan të largoheshin nga Rusia.

Nuk janë vetëm gazetarët që janë zhdukur nga televizioni shtetëror.

Një nga drejtuesit më të mëdhenj të talk show-t në Rusi, Ivan Urgant, ka marrë një pushim nga emisioni i tij në kohën kryesore ‘Evening Urgant’ në kanalin e dytë më të madh të Rusisë, Channel One, i njëjti stacion me Marina Ovsyannikova.

Ai ka reaguar për luftën duke postuar një katror të zi në llogarinë e tij në Instagram me mesazhin e thjeshtë: “Frikë dhe dhimbje. Jo luftë”. Që atëherë ai u ka thënë ndjekësve të tij që të mos bëjnë panik dhe se ai ka marrë pushime dhe do të kthehet së shpejti.

Çifti numër një i famshëm i Rusisë, Alla Pugacheva dhe Maxim Galkin, janë ndër një sërë figurash të tjera të showbiz-it që kanë shkuar gjithashtu me pushime. Galkin tha në Instagram: “Nuk mund të ketë justifikim për luftën! Jo luftë!”