Një 44-vjeçar italian është vrarë me armë në orët e para të mëngjesit të së shtunës.

Ngjarja e rëndë ndodhi në në fshatin Salari të Tepelenës, në vendin e quajtur “Dilan”, Viktima është identifikuar si Edoardo Sarchi.

Është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve.

Shërbimet e Policisë, në bashkëpunim me Drejtorinë Vendore të Policisë Fier dhe Vlorë, po ushtrojnë kontrolle në zonë dhe ambiente të ndryshme, për kapjen e autorit/ëve

Detaje te reja janë zbardhur sa i takon vrasjes së biznesmenit italian në Tepelenë.

Gazetarja e ABC News, Bleona Sari raporton se 44-vjeçari Edoardo Sarchi, prej rreth 25 vitesh jeton në Laprakë në Tiranë.

Ai rezulton gjithashtu se eshtë ortak në fabrikën e tullave “Tegola Edilcentro” në Tiranë. Policia thotë se një pistë ende nuk e ka, por ka disa dyshime të cilat po verifikohen në lidhje me shkakun e vrasjes.