Ndërkohë burime nga prokuroria thonë se teksa është shqyrtuar kamera e dvd-së afër dhe përballë vendit kua ai u vra, të pit stopit dhe dyqanit, por duke qenë një aparaturë shumë e vjetër nuk u përftuan pamje filmike thonë burimet nga prokuroria e Tiranës për Top Channel.

Dhe prandaj u përpilua një vendim për ekspertim kompjuterik për të përfituar të dhëna të mundshme nga dvr-ja dhe vendimi do ti dërgohet institutit të policisë shkencore për ekzaminime të mëtejshme.

Bëhet fjalë pikërisht për kameran që është përballë vendit ku u vra Klodian Rasha.

Grupi  i hetimit thotë zyrtarisht se nuk janë përfituar pamje filmike, por sidoqoftë disa të dhëna  janë dërguar në një qendër në Vorë për të mundësuar disa të dhëna nga pamjet filmike që mund të jenë të ruajtura në serverin qëndror të firmës.

Ndërkohë bëhet me dije nga grupi i hetimit, se është saktësuar dinamika e ngjarjes, dhe se si është qëlluar për vdekje Rasha.

Gazetarja Anila Hoxha raportoi detajet ekskluzive në edicionin informativ në top Channel.

I riu sipas raportit paraprak të prokurorisë së Tiranës, që pritet të dorëzohet sot ose nesër në mëngjes,teksa forcat e shqiponjave po kontrollonin një automjet tip shevrole në afërsi të një lokali i quhet bar Xhusto, Rasha gjendej 30 metra më larg nga automjeti që po kontrollohej i mbështetur në një pemë.

Oficeri i policisë thotë se |e thirra të panjohurin, o djali ndalo pak”, por ai menjëherë është larguar dhe kaluar karrexhatën kryesore që lidhet me rrugën Dritan Hoxha dhe menjëherë oficeri i dytë është vënë në ndjekje pas tij, në krahun tjetër të rrugës, sipas policëve dhe aktit.

Ndjekja ka vazhduar për shumë metra sipas versionit të policisë, dhe Rasha ka vazhduar të ecë për shumë metra, ka vazhduar në pjesën e pasme të ndërtesave, dhe sikurse pretendon policia në krahun tjetër në rrugën At Zef Valentino është gjetur një armë, mini blou, në një kthesë që vë në pikëpyetje versionin e policisë, që ata thonë se e kishin parë dhe përmendin edhe si shkak ndriçimin e dobët.

Arma konsiderohej se mbahej prej të riut, por e gjithë distanca që ka vazhduar në ndjekje dhe sipas dëshmitarit mund të ketë pasur dhe një përleshje mes të dyve.

Oficeri i policisë pretendon se është rrëzuar dhe e ka qëlluar Klodian Rashën fillimisht në pjesën e gjymtyrëve të poshtme.

Prokurori thotë se në pjesën e këtij dyqani që ka kamera por që deri tani konsiderohen të padministrueshme, është qëlluar dhe është gjetur një gjurmë  nga plumbi i qitur nga arma e oficerit, viktima sipas prokurorisë ka vazhduar të ecë dhe është qëlluar në kurriz që rezultoi fatale për të.

E megjithatë pista më shpresë dhënëse në këtë ngjarje është administrimi i  dvr-së dhe pamjeve filmike në këtë objekt, i cili mund të quhet si karta më e fortë e hetimeve për të parë e për tu bindur  se çfarë ndodhi në momentet e fundit të jetës së Klodian Rashës, një i ri i cili sipas familjarëve kishte dalë për kafe dhe u ndoq hap pas hapi deri në vdekje.