Gjykata e Tiranës vendosi ditën e sotme vetëm 10 vite burg për Nevaldo Hajdarajn, efektivin e Shqiponjave që vrau Klodian Rashën në 8 dhjetor të vitit 2020 me një plumb pas shpine vetëm se shkeli orën policore.

Gjatë seancës së sotme, avokati i Hajdarajt kërkoi ndryshim të veprës penale, nga vrasje me dashje në “Vrasje në tejkalim të mbrojtjes së nevojshme” si dhe kërkoi të dënohet në minimum.

I akuzuari Hajdaraj nuk foli  gjatë seancës, por avokati shprehu pendesë.

Prokuroria ka kërkuar 13 vite burg për Hajdarajn, i cili vrau më 8 dhjetor të 2020-ës Rashën.

Babai i Klodianit, Qazim Rasha tha se ky gjyq eshte nje njolle e zeze dhe se kjo njollë e zezë nuk do i hiqet shtetit dhe i bëri thirrje qytetarëve dhe gazetarëve të ruajnë fëmijët.

Kujtojmë se i riu Klodian Rasha u ekzekutua nga polici vetëm se shkeli orën policore të vendosur gjatë pandemisë. Në ditën e pretencës nga prokuroria, që kërkoi 20 vite burg për Nevaldo Hajdaraj, TCH ka arritur të sigurojë pamjet e momentit të vrasjes së Klodianit.

Mbas vrasjes së Klodian Rashës vendi u përfshi në protesta, që kërkonin drejtësi për Klodianin dhe u mbyllën me dorëheqjen e ministrit të brendshëm Sandër Lleshaj.

VERITAS.COM.AL

 

Etiketa:

  • Gjykata
  • KLODIAN RASHA