Polica ndërkombëtare e Siguracionit për makinë ‘e famshme’ Audi AA 003 GB, e kapur si dëshmi e transportit të përbashkët të drogës mes ministrit Tahiri dhe kushëririt (tashgmë të arrestuar në Itali) Habilaj, kishte dy emra si pronarë: Tahiri dhe Habilaj. (Foton e gjen në fund të lajmit). Nuk iu ka qëlluar që kur prisni figuracionin jeshil “për jashtë” agjenti iu pyet: “Ke edhe një emër tjetër që do ta përdorë?” dhe ti shënon emrin e djalit ose të vëllait? Ja kështu ka ndodhur edhe në rastin konkret “brenda familjes”.

Deputeti i PD-së, Enkelej Alibeaj, dorëzoi në Prokurorinë e Krimeve të Rënda, kopjen e policës ndërkombëtare të sigurimit për Audin AA 003 GB, e cila fakton se Tahiri dhe Habilaj janë bashkë-përdorues të makinës.

Alibeaj vuri në dukje se:

1. Polica ndërkombëtare e sigurimit fakton lidhjen mes Saimir Tahirit dhe Artan Habilajt në bashkë-përdorimin e Audit AA 003 GB.
2. Polica qe PD dorëzoi ne Prokurorinë e Krimeve te Renda fakton se Audi përdorej ne te njëjtën kohe edhe nga trafikantet e drogës edhe nga Ministri i Brendshëm. Kjo do te thotë se te dy ishin përgjegjës për makinën dhe përfitues prej saj, se Saimir Tahiri dhe Artan Habilaj kishin me njeri tjetrin marrëdhënie besimi.
3. Polica është e periudhës prill 2015-prill 2016, qe përfshin kohen e denoncimit te Dritan Zaganit ne shtator 2015 dhe denoncimet e PD se makina e Tahirit po përdorej si imunitet për trafikantet ndërkombëtare te drogës.
4. Polica fakton se Saimir Tahiri ka gënjyer, kur ka mohuar lidhjen me Habilajt. Prandaj, Edi Rama eshte ne ankth dhe po bën çdo gjë për te penguar hetimin e plote te Saimir Tahirit.
5. Dëshmia ne prokurori e shoferit te Tahirit se Saimir Tahiri është takuar me Artan Habilajn ne Greqi është fakt shtese se Saimir Tahiri ka genjyer. Këto janë prova se ai është pjese e trafikut ndërkombëtar te drogës.
6. PD inkurajon Prokurorinë e Krimeve te Renda te shqyrtoje dokumentin me përparësi dhe te sjelle ne Kuvend kërkesën për arrestimin e Saimor Tahirit, i kapur ne flagrance si bashkë-përdorues i makinës se drogës me bandën e Habiljave.

Veritas.com.al/