( FOTO: Carles Puigdemont, lider i rajonit autonom,  duke folur për BBC të Martën në mbrëmje).

“Katalonia do të deklarojë pavarësinë nga Spanja brenda pak ditësh”, u shpreh lideri i rajonit autonom, në një intervistë të dhënë për BBC-në.

Në fjalën e tij të parë për mediat, që nga referendumi i së dielës, Carles Puigdemont tha se qeveria e tij do të vepronte në fund të kësaj jave apo fillimin e javës së ardhshme. Kur u pyet se çfarë do të bënte nëse qeveria spanjolle do të ndërhynte dhe do të merrte kontrollin e qeverisë së Katalonjës, Puigdemont tha se ky do të ishte një gabim që ndryshon gjithçka.

Lideri katalanas tha se nuk kishte kontakt midis qeverisë në Madrid dhe administratës së tij të transferuar, si dhe u shpreh se nuk pajtohej me deklaratën e Komisionit Evropian të hënën, se ngjarjet në Kataloni ishin një çështje e brendshme për Spanjën.

Ndërkohë, në një fjalim të mbajtur në Madrid, mbreti Felipe VI i Spanjës tha se organizatorët e referendumit dolën jashtë korrnizave të ligjit. Ai pranoi se situata në Spanjë ishte jashtëzakonisht serioze dhe bëri thirrje për unitet. Qindra mijëra njerëz në të gjithë Kataloninë kanë protestuar kundër dhunës së policisë spanjolle gjatë votimit dhe si rrjedhojë, u lënduan rreth 900 njerëz e u plagosën 33 policë.

Veritas.com.al/