‘Harroni’,  domethënë që të mos flitet për opozitën nga deputetët e maxhorancës- kjo është porosia. Maxhoranca prej disa ditësh ka lënë prapa krahëve protestat e opozitës dhe ka hyrë në prioritetin ‘Reformat’.  Në këtë vazhdë është edhe porosia e kryetarit të Kuvendit që deputetët e maxhorancës të mos humb in më kohë duke folur për opozitën në Kuvend

Një seancë plenare do të zhvillohet të mërkurën më 13 mars në Kuvend dhe pritet që opozita të nxjerrë sërish njerëzit e saj në sheshin para Parlamentit për të kërkuar largimin e kryeministrit Edi Rama.

Duke iu referuar aksionit opozitar, në mbledhjen e Grupit Parlamentar të PS-së, që u zhvillua sot me dyer të mbyllura, kreu i Kuvendit, Gramoz Ruçi ka dhënë disa porosi për deputetët e majtë.

Sipas tij, deputetët e PS duhet të injorojnë opozitën, që tashmë i ka dorëzuar mandatet.

“Të ketë prezencë në seancën plenare dhe disiplinë. Te mos ketë diskutime me objekt opozitën, por ligjet që do diskutohen në rend të ditës. Diskutimet të lidhen me nevojat e qytetarëve”, u tha Ruçi – deputetëve.

Veritas.com.al/