Në ora 10:00 ka nisur seanca plenare në Parlamentin e Shqipërisë ku do të diskutohet dhe më pas votohen ndryshimet kushtetuese për hapjen e listave dhe miratimin e formulës së re të koalicioneve.

 Nga ana tjetër opozita jashtëparlamentare ka vijuar me thirrjen që Kuvendi të mos miratojë ndryshimet kushtetues në mënyrë të njëanshme pasi sipas tyre do të cënohet konsensusi i arritur mes tyre.

Kujtojmë se ditën e djeshme pavarësisht se palët u ulën në Këshillin Politik për 5 orë, nuk u arrit që të kishte një marrëveshje. Opozita jashtëparlamentare pranon hapjen e listave, por jo ndryshimin e formulës së koalicioneve me argumentin se nëse partitë futen në një listë unike penalizohet opozita jashtë parlamentit.

Sesioni parlamentar mbyll sot Legjislaturën e IX me votimin në Kuvend të ndryshimeve kushtetuese.

Rendi i ditës

Në mbështetje të Urdhrit nr. 42, datë 28.7.2020 të Kryetarit të Kuvendit, z. Gramoz Ruçi, rendi i ditës është si më poshtë vijon: 1. Miratimi i procesverbalit të seancës plenare të datës 29.07.2020/ 2. Njoftimi i çështjeve të depozituara në Kuvend për shqyrtim/ 3. Projektligji “Për disa ndryshime në ligjin nr. 8417, datë 21.10.1998 “Kushtetuta e Republikës së Shqipërisë” të ndryshuar””. Relatorë: Klotilda Bushka, Alket Hyseni, Ediola Braha, Korab Lita

Veritas.com.al

Etiketa:

  • Kushtetuta
  • Kuvendi