Nga Laetitia Reboulleau/

 

Off, kukafshehtasit e vegjël.

Ndërsa kujtonim se po përgatisnin me shumë vrull bashkimin e tyre të ardhshëm. Eva Mendes dhe Ryan Gosling i paskan vënë unazat gjatë në dasmën e tyre sekrete. Urimet tona më të mira!

 

Do të jetosh i lumtur, jeto pa u dukur? Ryan Gosling dhe Eva Mendes duket se kanë vendosur ta zbatojnë fjalë për fjalë proverbin. Shumë diskretë për marrëdhënien e tyre në çift dhe për familjen e tyre të vogël, diskretë janë treguar edhe për martesën e tyre. Dhe pasoja: dy aktorët janë martuar fshehurazi. Paska disa muaj!

Kjo është shndërruar në tendencën më të re të yjeve. Bye bye dasmat e organizuara në sy të gjithë botës: preferohen pritje të vogla dhe diskrete, me familjarë dhe disa prej miqve më të ngushtë.

Dhe sipas Us Weekly, pikërisht këtë kish vendosur të bënte edhe çifti Mendes-Gosling. Site-i amerikan flet për një ceremoni intime, në shoqëri të të afërmëve për të celebruar dashurinë e tyre. Sepse, sipas një burimi i afërt me çiftin: “Ata e kanë konsideruar gjithmonë veten si një çift të martuarish”.

Prindër të dy vajzave të vogla, Amada dhe Esmeralda, Ryan Gosling dhe Eva Mendes janë takuar në xhirimet e filmit “The Place Beyond The Pines”.

Shpresojmë që historia e tyre të mos përfundojë si ajo e Brad Pitt dhe Angelina Jolie…

 

Eva Mendes dhe Ryan Gosling, u martuan? Ku i dihet!

Vështirë ta marrësh vesh nëse informacioni është i vërtetë. Sepse nëse Us Weekly citon një të afërm të çiftit i cili pohon se ata kanë shkëmbyer unazat, një tjetër i ka pohuar Vanity Fair se bëhet fjalë për një thashethem pa bazë.

Dhe në gjithë këtë, si zakonisht, Ryan Gosling dhe Eva Mendes kanë preferuar të mos shprehen.

Ata e jetojnë lumturinë e tyre larg paparacëve dhe mirë bëjnë.

 

https://media1.popsugar-assets.com/files/thumbor/BBHrjAllIMXJxl7WxUL50yEnpTg/fit-in/1024x1024/filters:format_auto-!!-:strip_icc-!!-/2012/02/06/4/192/1922398/RYAN-AND-EVA/i/Ryan-Gosling-Eva-Mendes-Thailand-Pictures.jpg

http://media.vanityfair.com/photos/5751a7b12351f6412a0734f7/master/h_590,c_limit/ss03-secret-celebrity-babies-Vincent-Kartheiser-Alexis-Bledel.jpg