Presidenti Donald Trump u takua me kryeministrin hungarez Viktor Orban në Shtëpinë e Bardhë të hënën.

Trump vlerësoi Orbanin si një udhëheqës “shumë të respektuar” anembanë Europës, ndërsa ata bënë observacionet përpara takimit për të diskutuar mbi çështjet e NATO-s, tregtisë dhe çështje të tjera.

“Viktor Orban ka bërë një punë të jashtëzakonshme në shumë mënyra të ndryshme,” tha Trump. “Ndoshta, ashtu si unë, nje cike te diskutueshme, por kjo është ok. Ju keni bërë një punë të mirë dhe ju keni mbajtur vendin tuaj të sigurt “.

Orban u zgjodh në një mandat të katërt radhazi si kryeministër i Hungarisë në prill të vitit te kaluar pasi partia e tij e krahut te djathtë Fidesz fitoi 133 nga 199 vende të Parlamentit në zgjedhjet e vendit.

Platforma e tij u përqendrua rreth skepticizmit të Bashkimit Evropian dhe kundërshtimit ndaj emigracionit. Kundërshtarët e kanë akuzuar atë për përpjekje për të minuar institucionet demokratike gjatë mandatit të tij.

Në vitin 2017, Bashkimi Evropian hetoi Hungarinë për legjislacionin që nuk pranoi të pranonte azil kërkuesit dhe kërcënoi të mbyllte një universitet në Budapest të themeluar nga filantropi amerikan Xhorxh Soros.

Kur u pyet për shqetësimet në lidhje me ” rrëshqitjen demokratike” në Hungari, Orban vuri në dukje se vendi adoptoi një kushtetutë të re në vitin 2011,per të cilën ai tha se është “duke funksionuar mirë” dhe vuri në dukje faktin se ai ishte rizgjedhur shumë herë.

“Nga populli, prej popullit, për popullin.” Kjo është baza për qeverinë hungareze. Pra, është një qeveri e cila është zgjedhur disa herë nga populli hungarez, prandaj jemi të lumtur për t’i shërbyer kombit tonë “, tha ai.

Trump gjithashtu vlerësoi Orbanin si një njeri “të fortë”, të cilin ai tha se “ka bërë gjënë e duhur” në lidhje me emigracionin.

“Shikoni disa nga problemet që ata kanë në Evropë që janë të tmerrshme, sepse i kanë bërë gjerat ndryshe nga kryeministri,” tha Trump.

Orban tha se ai priste që të forconte aleancën strategjike të Hungarisë me Shtetet e Bashkuara gjatë takimeve të së hënës duke diskutuar gjithashtu një numër çështjesh politike globale.

“Dua të shpreh se jemi krenarë të qëndrojmë së bashku me Shtetet e Bashkuara për luftën kundër emigracionit të paligjshëm, për terrorizmin dhe për të mbrojtur dhe ndihmuar komunitetet e krishtera në mbarë botën”, tha ai.

VERITAS.COM.AL/

 

Komente

Lini një Përgjigje

Adresa juaj email s’do të bëhet publike.