Sipas rezultateve të një sondazhi të kryer nga 19 korriku deri më 26 korrik dhe të publikuar në fillim të kësaj jave, 39 përqind e francezëve besojnë se Islami do të bëhet feja më e madhe në Francë.
Anketa ‘Zemra e Francezëve’ e kryer nga Harris Interactive zbulon se 39 përqind e francezëve besojnë se Islami do të jetë feja më e madhe në Francë në të ardhmen.
Midis Myslimanëve, përqindja rritet në 55 përqind, ndjekur nga 44 përqind e Katolikëve Romanë.
72 përqind e francezëve thonë se kanë frikë se nëse Islami bëhet feja më e madhe në vend, Franca do të humbasë identitetin e saj historik. Katolikët ishin më të shqetësuar me 83 përqind, të ndjekur nga protestantët dhe njerëzit jo fetarë me 67 përqind secili.
Ndër myslimanët, megjithatë, vetëm 17 përqind thanë se Franca do të humbte identitetin e saj nëse Islami do të ishte feja më e përhapur dhe e praktikuar.
Në vitin 2019, shumica e francezëve, 61 përqind, thanë se Islami nuk ishte i pajtueshëm me shoqërinë franceze, me populisten Tubimi Kombëtar (RN) udhëhequr nga Marine Le Pen që doli më lart në sondazh kur ishte fjala se cila parti ishte më e përshtatshme për të trajtuar sfidat e islamizimit në Francë.
Në fillim të këtij viti, një sondazh tjetër theksoi një shqetësim në mesin e publikut francez mbi temën e Islamo-Majtizmit, një fenomen në të cilin grupet dhe partitë politike të majta refuzojnë të marrin qëndrime të ashpra kundër ekstremizmit radikal islamik.
Sipas një raporti të vitit 2020 nga Qendra Kërkimore Pew, popullsia myslimane e Francës pritet të rritet nga 5.7 milionë në 13.2 milionë deri në vitin 2050 nëse normat e migrimit mbeten të larta. Myslimanët përbëjnë pothuajse një të pestën e popullsisë së përgjithshme franceze.
Një raport tjetër nga viti 2019 vuri në dukje se gjithnjë e më pak të rinj francezë janë fetarë active dhe se në mesin e popullsisë demografike nga 18 deri në 29 vjeç kishte tashmë po aq Muslimanë praktikues sa dhe praktikues Katolikë Romanë.
VERITAS.COM.AL
75 461 
