“Schengen-i ballkanik është vetëm një ide”

5 ore takim me Edi Ramën, e kanë bindur Albin Kurtin, kryeministrin e ardhshëm të Kosovës se kryeministri shqiptar nuk mbështet tezën e shkëmbimit të territoreve mes Kosovës dhe Serbisë.

“Kryeministri shqiptar nuk është për shkëmbim territori…”

Ne një deklaratë për mediat në Tiranë, Kurti flet për takimin e të premtes në mbrëmje me Ramën dhe dakordësitë që kanë arritur për të vijuar me mbajtjen e mbledhjeve të përbashkëta të 2 qeverive.

Propozimet për Schengenin Ballkanik, apo një ministri shtetit për marrëdhëniet mes dy vendeve mes dy qeverive, thotë se pret t’i shohë të hartuara në letër.

Kurti flet dhe për prioritet e tij si kryeministër i ardhshëm i Kosovës, e me këtë rast i kujton dhe Presidentit Thaçi se puna e tij është të firmosë dekretin e mandatimit të tij si kreu i qeverisë.

Dialogun me Serbinë thotë se do ta udhëheqë vetë, ndërsa ka gati dhe vendimin për taksën 100 % më këtë shtet.

Albin Kurti mori pjese ne Samitin e Paqes të Evropës Juglindore, një forum i organizuar në Tiranë ku tha se ndihej ‘si në shtëpinë e tij’ në Prishtinë.

Veritas.com.al/