Para pak ditësh, teksa udhëheqja kosovare po fluturonte drejt Brukselit me avionin privat të Behgjet Pacollit- zëvendëskryeministër dhe ministër i Jashtëm i Kosovës- në një moment PAcolli shpërtheu në alarm: “Po na çojnë në Serbi!” dhe fjalën e kishte për kullën e Aviacionit në Tiranë. Gjithçka ishte një sajesë mitomanë e Behgjetit dhe e një gazetari të tij, Baton Haxhia.

Mirëpo Pacolli ndjente frikën se një ditë Serbia mund ta arrestojë me disa akuza penale. E vërteta doli sot, pasi Pacolli kërkoi të vizitonte një krahinë myslimane të Serbisë.

Qeveria serbe ka refuzuar kërkesën për vizitë të Ministrit të Jashtëm Behgjet Pacolli, i cili kishte ftesë nga boshnjakët ta vizitojë Novi Pazarin.

Kryediplomati kosovar kishte marrë ftesë për të vizituar këtë vikend Sanxhakun, por një gjë të tillë në momentin e fundit ia pamundësua shkuarja në Novi Pazar nga autoritetet serbe, raporton gazeta ‘Express’.

“Republika e Kosovës ka vepruar gjithmonë në përputhje me Marrëveshjen e Brukselit mbi vizitat e zyrtarëve të lartë dhe ka respektuar procedurat e kërkuara. Ky rast tregon përsëri se Beogradi nuk është i angazhuar të respektojë Marrëveshjet e Brukselit dhe shkakton tensione të panevojshme të rreme për të parandaluar vizitat e zyrtarëve të lartë të Kosovës në territorin e Serbisë”, njofton Ministria e Punëve të Jashtme.

Në reagimin e Ministrisë së Punëve të Jashtme thuhet se këtë pengesë do ta adresojnë te zonja Mogherini dhe autoritetet tjera ndërkombëtare.

“Mentaliteti shovinist i pushtetit në Beograd nuk mund të lejohet të pengojë progresin euroatlantik dhe paqen në Ballkanin perëndimor”, thuhet në reagim.

Veritas.com.al/