Partia Demokratike kishte dërguar në Kuvend një kërkesë për ‘referendumin e plehrave’ që do të thotë të ndalohet importimi i mbetjeve nga jashtë- siç është parashikuar në një projekt- ligj të qeverisë.  Por mbledhja e kryetarëve të grupeve parlamentare që u zhvillua sot, e cila mund të quhet ‘paradhoma e Kuvendit’ e rrezoi kërkesën.

Madje kryetari i socialistëve, Balla, ishte edhe sfidant: “Ikni ore, se nuk jemi shtojca juaj” që të bëjmë çfarë thoni ju- me demek.

Kryetari i Grupit Parlamentar të PD, Edmond Spaho, nuk u mposht, ai tha se nuk ‘epemi’ para kërkesës për referendum.

“Kjo kërkesë, – tha Spaho, –  është zvarritur me qëllim nga maxhoranca, por ne insistojmë që kërkesa të futet në rendin e ditës së Kuvendit madje që në seancën e nesërme”.

“ Maxhoranca e rrëzoi duke u kapur pas disa elementëve teknikë,  por ne do t’i plotësojmë mangësitë teknike dhe do të ushtrojmë presion që këtë referendum ta kryejmë” shtoi ai.

Veritas.com.al/