Ka degjeneruar në dhunë mbledhja e sotme e Këshillit Bashkiak të Himarës ku po diskutohej për regjistrimin e pronave të banorëve.

 

Këta të fundit kanë qenë prezent në mbledhje dhe gjatë diskutimeve ka patur përleshje fizike.

 

Siç raportohet, disa persona kanë hyrë në sallën ku zhvillohej mbledhja e Këshillit Bashkiak dhe kanë goditur banorët.

 

Njëri prej tyre u gjakos gjatë përleshjeve, ndërkohë që kryetari i Bashkisë së Himarës Jorgo Goro ndërhyri për të qetësuar banorët.

 

Nuk dihet saktësisht se çfarë e nxiti sherrin mes banorëve në mbledhjen ku po diskutohej për regjistrimin e pronave.