![](https://veritas.com.al/wp-content/uploads/2017/09/IMG_8727_1.jpg)
Policia kufitare ka shpëtuar nga mbytja shtatë persona në Sarandë, Ksamil dhe Himarë.
Në Sarandë kanë qenë tre pushues, të cilët kishin shkuar me varkë në plazhin e Krorëzit, por nuk kishin mund të ktheheshin për shkak të kushteve jo të mira atmosferike.
Policia kufitare u ka ardhur në ndihmë dhe ka bërë të mundur nxjerrjen e tyre në breg.
Ndërkohë tre persona të tjerë, mes tyre dhe dy polakë janë kthyer ditën e sotme duke përshkuar malin nga Krorëza në Kakome.
Në Ksamil roja bregdetare i ka ardhur në ndihmë tre pushuesve kosovarë të cilët kanë rrezikuar të mbyten në zonën e Shkëmbit të Miseve, pasi mjeti kanoe me të cilin vozitnin është fundosur si pasojë e motit të keq.
Në Drimadhë një 26-vjeçar polak ka kërkuar ndihmë pasi kishte hyrë për tu larë dhe duke notuar e ka marrë rryma.
Shërbimet policore i kanë shkuar menjëherë në ndihmë, duke bërë të mundur nxjerrjen e tij në breg shëndoshë e mirë. Të gjithë shtetasit e lartpërmendur, janë shoqëruar në terren tokësor dhe janë në gjendje të mirë shëndetësore.
Veritas.com.al/