Kreu i grupimit “Dhjetor ’90”, Bislim Ahmetaj i ka drejtuar ditën e sotme një pyetje publike ish-kryeministrit Sali Berisha.

Ahmetaj ka kërkuar të dijë nëse besimin që i ka dhënë kreut aktual të opozitës Lulzim Bashës, Berisha e ka inspirim të brendshëm personal apo “detyrë shpie”.

Në një postim në Facebook, Dhjetoristi thekson se nëse e ka “detyrë shtëpie” ia bën “haram” mbështetjen e deritanishme.

Postimi i plotë:

Një pyetje soriozisht serioze për Sali Berishën(!?)

Ka vite që më bren një brengë të cilën s’po e mbaj më brenda vetës dhe tani dua ta bëj publike, kjo është një pyetje shumë serioze dhe e rëndësishme jo thjeshtë për mua, dhe më beso që për hir të integritetit tim dhe dinjitetit të prejardhjes time familjare se kam të lehtë ta lëshoj në publik, por më shtyn dhimbja për vendin tim, për vendin tuaj, për vendin tonë që është ba siç ishte para 30 vitesh faqja e zezë, marrja dhe “gogoli” i botës demokratike.

Këtë pyetje e kam për Sali Berishën: Mbështetjen pa kushte që i ke dhënë Lulzim Bashës që kur e vune në krye të KOP-it në 2005-ën, pastaj Ministër Transportesh, Ministër të Brendshëm dhe të Jashtëm, më vonë Kryetar të Bashkisë së Kryeqytetit dhe së fundi dy herë Kryetar të Partisë Demokratike, e ke pas inspirim të brendshëm përsonal apo “detyrë shpie”?!?

Ps: Si njëri që jam marrë me shkrimin dhe me gazetarinë që në fillesat kur rinisi të shkruhej pa urdhër nga lart, ruaj të drejtën ta bëj pyetjen me koment dhe komenti im është ky:

Nqs ke gabuar në zgjedhjen tënde do të isha i qetë për vitet që të kam ndjekur me bindje, nqs e ke pas detyrë shpie “haram” e paç mbështetjen time dhe të gjithë ndjekësve të mi.’

Veritas.com.al/