Temperaturat e ulëta kanë rikthyer gjatë orëve të natës reshjet e dëborës në një pjesë të vendit.

Në zonat malore të Elbasanit janë rikthyer reshjet e dëborës. Borë ka edhe në njësitë Gjinar dhe Funar të Elbasan.

Reshjet e dëborës arrijnë deri në 20 centimetra në njësinë Stëblevë të Librazhdit.

Në qarkun e Dibrës, dëbora ka përfshirë fshatrat përreth qytetit të Peshkopisë. Temperaturat nuk kanë zbritur nën zero, dhe deri tani nuk raportohet asnjë dëmtim në pemtari, pasi shumë dru frutorë ndodhen në fazën e çeljes së luleve.

Në qarkun juglindor, reshjet e dëborës janë rikthyer kryesisht në lartësitë mbi 1100-1200 metra, në zonat përreth Korçës dhe Pogradecit. Për shkak të reshjeve, autoritetet kanë ndërhyrë për pastrimin e akseve kryesore rrugore, veçanërisht në segmentet ku dëbora ka qenë më e dendur.

Rrugët janë të kalueshme dhe deri më tani nuk raportohet për probleme