Kryetari i Bashkisë së Tiranës Erion Veliaj është prekur nga koronavirusi. Lajmin e ka konfirmuar vetë ai nëpërmjet një postimi në rrjetet sociale.

Kryebashkiaku shkruan se pas testit është njoftuar se ka dal pozitiv me COVID. Veliaj më tej shkruan se është mirë si ai edhe famija e tij.

Më tej ai vazhdon se nga sot punën do e vazhdojë me të njëjtën përkushtim nga shtëpia.

“Miq, pas testit më njoftuan se dola pozitiv nga covid-19. Jam në gjendje të mirë shëndetësore, ashtu si edhe familja ime. Por, nga sot do të vazhdoj të punoj me të njëjtin përkushtim për Tiranën nga shtëpia.

Askush prej nesh nuk është imun ndaj këtij virusi, ndaj JU LUTEM  mos harroni të lani duart sa më shpesh dhe mbani maskë për të mbrojtur sa më shumë veten dhe familjarët tuaj!

Lus më të mirën për familjet tuaja! Shëndet e dashuri të gjithëve dhe mirënjohje e thellë mjekëve heronj! Do shihemi sërish! “, shkruan Veliaj.

VERITAS.COM.AL/