Disa ditë pasi Austria vendosi një bllokim për të pavaksinuarit, ajo ka njoftuar një bllokim të plotë kombëtar për Covid-19, duke filluar nga e hëna.

Kancelari Alexander Schallenberg tha se do të zgjasë maksimumi 20 ditë dhe do të ketë një kërkesë ligjore për t’u vaksinuar nga 1 shkurti 2022.

Ai po i përgjigjej numrit rekord të rasteve dhe një prej niveleve më të ulëta të vaksinimit në Evropën Perëndimore.

Shumë vende të tjera evropiane po vendosin kufizime, ndërsa rastet rriten.

“Ne nuk duam një valë të pestë,” tha zoti Schallenberg pas takimit me guvernatorët e nëntë provincave të Austrisë, në një vendpushim në Austrinë perëndimore.

Shifrat e fundit tregojnë një normë incidence prej 990.7 raste për 100,000 njerëz në javën e kaluar, dhe Ministri i Shëndetësisë Wolfgang Mückstein tha se vendosja e një bllokimi ishte një “zgjidhja e fundit”.

Sipas masave, austriakëve do t’u thuhet të punojnë nga shtëpia, dyqanet jo thelbësore do të mbyllen dhe shkollat do të mbeten të hapura për fëmijët që kërkojnë mësim ballë për ballë. Ato do të vazhdojnë deri më 12 dhjetor, por do të rivlerësohen pas 10 ditësh.

Shtete të tjera në Europë:

Kryeministri sllovak Eduard Heger njoftoi se ajo që ai e quajti një bllokim për të pavaksinuarit do të fillonte të hënën, dhe qeveria çeke po kufizon gjithashtu aksesin në një sërë shërbimesh. Holanda prezantoi një bllokim të pjesshëm fundjavën e kaluar.

Udhëheqësit gjermanë kanë rënë dakord të vendosin kufizime për njerëzit e pavaksinuar në zonat me pranime të larta në spitale Covid,  që do të preknin 12 nga 16 shtetet e Gjermanisë.

Austria eshte vendi i parë i BE që mbyllet kete dimer

VERITAS.COM.AL