KOMENT

Hapja e dosjes Gërdeci nga SPAK me sa duket nuk ka qenë një akt simbolik por operacion i organizuar nga Shtetet e Bashkuara për të vënë para përgjegjësisë penale Shkëlzen Berishën, Fatmir Mediun dhe Sali Berishën.

Një burim i mirëinformuar diplomatik i tha sot Hashtag.al se familjes së Luan Hoxhës dhe atij vetë personalisht përveç mbrojtjes speciale që i është ofruar dhe punësim në strukturat shtetërore amerikane, ku vetë Luan Hoxha ka nisur punë në Pentagon.

Kjo mbrojte dhe ky suport është ofruar vetëm pasi Hoxha ka pranuar që të bëhet bashkëpunëtor i drejtësisë dhe ka rrëfyer në FBI të gjitha lidhjet, dijenitë mbi ndërhyrjet qëllimet dhe përgjegjësitë e zyrtarëve më të lartë qeveritarë dhe familjarëve të tyre mbi biznesit e Gërdecit.

Ish- shefi i Shtabit të Forcave të Armatosura, Luan Hoxha iku bashkë me familjen e tij në SHBA në Janar të vitit 2012. Në vitin 2013 Hoxha fitoi edhe azilin politik në SHBA.

Gjykata e Apelit në Tiranë e ka dënuar Hoxhën me 5 vite burg si i përfshirë në çështjen Gërdeci duke ia ulur me 1 vit dënimin që i kishte dhënë Gjykata e Shkallës së Parë./Hashtag