Gjykata e Posaçme ka pranuar kërkesën e SPAK për të konfiskuar pasuritë e presidentit të “Yldon Media Group” Ylli Ndroqi.

GJKKO ka vendosur konfiskimin 100 % të aksioneve të RTV ORA, vendim ky që përfshin konfiskimin dhe kalimin në pronësi të shtetit të RTV ORA.

Sipas avokatit  Jordan Daci, ky është një vendim i pabazë që synon goditjen e medias.

“Bindem që sistemi ynë ka sëmundje aq të rënda sa nuk besoj se do të jepet ndonjëherë drejtësi. Nuk e di ku i gjeti numrat. Ky është vendim që synon goditjen e medias. Janë kujdesur që Ora News të ketë 60% të kuotave të sekuestruara që nënkupton humbjen e kuotave kontrolluese. Është vendimi më i pabazë që kam dëgjuar me veshët e mi. Asnjë gjykatë në botë nuk do të merrte një vendim të tillë” tha avokati Jordan Daci.

Avokatët shprehën shqetësimin pasi një vendim i tillë kthehet në precedent për bllokimin e pasurive të çdo shqiptari pa gjykim të drejtë por sepse ka dhënë urdhër prokuroria.