Ministria e Shëndetësisë ka njoftuar vdekjen e një paciente 64-vjecare në Spitalin Infektiv të Tiranës, e cila ishte e shtruar prej 3 javësh në spital, në gjendje të rëndë.

Bëhet e ditur se pacientja vuante prej 4 muajsh nga limfoma e trurit. Me vdekjen e saj, janë 32 viktimat me COVID-19 në Shqipëri.

Njoftimi nga Ministria e Shëndetësisë:
Ndërron jetë në spitalin infektiv 64-vjeçarja, vuante nga limfoma e trurit.

Mbrëmjen e sotme ka ndërruar jetë në spitalin Infektiv një paciente 64-vjeçare nga Tirana, e konfirmuar me COVID-19, e cila ishte e shtruar prej 3 javësh në spital, në gjendje të rëndë.
64-vjeçarja që vuante prej 4 muajsh nga limfoma e trurit, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.

64-vjeçarja është viktima e 32 e prekur nga COVID-19 në Shqipëri.

Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, për të mbrojtur veten dhe të tjerët.